Акафисты Святителя Антония Богомудрого  и акафисты ему

СОДЕРЖАНИЕ

Акафисты Пресвятей Богородицы в честь икон Ея Афонской Игумении и Косинския (Моденския). * Сказание о чудотворной иконе Божией Матери Косинская. * Акафист Святителю Антонию Михайловскому, архиепископу Брянскому, Богомудрому. * Акафист вселенскому учителю и Святителю Антонию Богомудрому. * Акафист вселенским учителям и святителям Василию Великому, Григорию Богослову, Иоанну Златоустому и Антонию Богомудрому.

АКАФИСТ
Царице Небесной
«АФОНСКОЙ » ИГУМЕНИИ

Кондак 1: Избранней от сложения мира Пресвятей Деве Марии Богородице, яко воистинну плотию рождшей Иисуса Христа, Спаса и Бога нашего, Владычице всея вселенныя, зело возлюбившей род преподобных Христа и вземшей под Свой державный покров их святыя обители, похвальная приносим пения. Ты же, о всечестная наша Мати Игумение, храни и спасай нас от всех врагов видимых и невидимых, да зовем Ти: Радуйся, Благодатная Богородице Дево, святых обителей и рассеянных иноков Преславная Игумения.

Икос 1: Ангели плотию суще вси преподобнии отцы и матери, юноши и девы, от века просиявшии во святых, православно шествоваху в небесная селения под сиянием честнаго и животворящего креста Христова на земном поприще, во юдоли плача и скорбей под державным покровительством Матере Христа Бога нашего, всечестнейшия Игумении православнаго монашескаго жития, Еяже милостивому заступлению радостно взываем сице: Радуйся, всечестнейшая наша Мати Игумение; радуйся, надеждо нашего спасения. Радуйся, Святыя Горы Афонския хранительнице; радуйся, тамо живущих иноков спасительнице. Радуйся, веселие и славо Христовых подвижников; радуйся, отрадо божественная святых пустынников. Радуйся, яко Тобою вси святии спасаются; радуйся, яко вся вселенная Тобою украшается. Радуйся, миров безчисленных о Бозе Владычице; радуйся, в селения рая небесная руководительнице. Радуйся, благое начало и славный конец всех святых жития; радуйся, святыя радости божественная струя. Радуйся, Благодатная Богородице Дево, святых обителей и рассеянных иноков Преславная Игумения.

Кондак 2: Видя скорбный путь спасения для всех преподобных Своих, Господь наш Иисус Христос благоволи Матери Своей, Всепречистей Деве Марии Богородице, да прострет Она Свой божественный покров игуменства над всеми святыми обительми Святыя Афонския Горы и всея вселенныя православнаго монашескаго спасения, да вси спасающиися в преподобии и святости, верою видяще сие, взывают непрестанно Спасителю Богу: Аллилуия.

Икос 2: Разум имуще Божественный, вси преподобнии отцы и матери от всея души возлюбиша славу небесную, а мир со всеми его прелестьми возненавидевше, ногами поправша, шествоваху в подвизех святых за Христом, в мире жития своего безбедно руководимии своею приснодевственною небесною Игумениею, Юже верою зряще в лице святых Ея икон, умильно взываем тако: Радуйся, нашего спасения главизно; радуйся, радосте наша в сей и в будущей жизни. Радуйся, дивная строительнице наших святых обителей; радуйся, экономисса милосердная иноческих общежителей. Радуйся, цвете божественнаго прозябения; радуйся, радосте всемирнаго воскресения. Радуйся, всех святых божественное веселие; радуйся, православнаго монашества украшение. Радуйся, истинная Мати нашего Спасителя; радуйся, яко плотию родила еси ада Победителя. Радуйся, яко на Афоне духовный сад насадила еси; радуйся, яко тамо в преподобии живущих в рай руководила еси. Радуйся, Благодатная Богородице Дево, святых обителей и рассеянных иноков Преславная Игумения.

Кондак 3: Сила Вышняго осеняет всех в преподобии и святости и в правде живущих, иже возненавидеша суету мира сего и бежаша во святыя монашеския обители и тамо во образе ангельском, вземше на ся благое иго Христово, свято подвизающеся, чрез все житие свое взывают непрестанно ко Пресвятей Троице: Аллилуия.

Икос 3: Имуще пламенное желание спасения, и ныне подвиги совершающии во обителех иноческаго жития, в лаврах, в монастырех, скитех, киновиях, келлиях и на всяком месте всея вселенныя, имуще дивный щит спасения, божественное игуменство Матере Божией, хвалебно Ей песнопоют: Радуйся, собирательнице наша среди мира греховнаго; радуйся, строительнице нашего спасения духовнаго. Радуйся, спасшая весь род Адама падшаго; радуйся, плотию рождшая неизреченно Спаса и Бога нашего. Радуйся, всечестнейшая монахине, образе спасающимся; радуйся, праведная игумения всех нас, подвизающихся. Радуйся, веры православныя воеводо непобедимая; радуйся, божественная крепосте всесильная. Радуйся, Мати Господня и наша благодатная; радуйся, всем святым благоприятная. Радуйся, двере милосердия кающимся; радуйся, упование о Бозе подвизающимся. Радуйся, Благодатная Богородице Дево, святых обителей и рассеянных иноков Преславная Игумения.

Кондак 4: Бурю сомнений грехолюбивых оставльше отцы преподобнии и матери, возлюбиша тернистый путь спасения, живуще посреде скорбей и лишений, Царствия ради Небеснаго, украсиша своим богоугодным житием премногая места вселенныя, идеже основаша святыя обители иноческаго спасения, в нихже спасающиися присно поют ангельскую песнь Христу Богу нашему: Аллилуия.

Икос 4: Слышавше святыя глаголы Христова Евангелия избранницы небеснии, вся презреша суетная мира сего и в путь святый поидоша, носяще благое иго Спаса нашего, житием своим во плоти ангелом святым уподобишася, имуще предив¬ную Игумению над всеми их святыми обительми, по всей вселенной, яко звезды небесныя, сияющими, к Нейже и вопием всегда: Радуйся, премудрая Игумение монашества православнаго; радуйся, спасение народа богоизбраннаго. Радуйся, столпе девства и океане милосердия; радуйся, вечная отрадо райскаго веселия. Радуйся, прибежище кающимся грешником; радуйся, сокровище убогим подвижником. Радуйся, всю вселенную любовию покрывающая; радуйся, славою небесною сатану во ад низвергающая. Радуйся, божественная радосте ангелов и человеков; радуйся, яко плач принесла еси демоном во веки. Радуйся, единая надеждо веры православныя; радуйся, Мати Господня и наша всеславная. Радуйся, Благодатная Богородице Дево, святых обителей и рассеянных иноков Преславная Игумения.

Кондак 5: Боготечную жизнь праведницы проидоша и небеснаго отечества с радостию достигоша и веселятся о Господе со ангелы святыми во вся веки. Мы же, их собратия и соратницы на поприщи спасения, милостию Божиею подвизаемся во святых обителех, поюще хвалебныя песни к Богу: Аллилуия.

Икос 5: Видеша избранницы Господни скоропреходящую славу мира сего, яко непостоянно богатство, красота увядает, счастие скоротечно, скорби же, печали и отчаяние и всякая злоключения — приснии спутницы жизни сея, в конце же смерть телесная, всем людем неизбежная, — святою убо верою вечная селения небесная созерцаху и возлюбиша тесный и прискорбный путь монашескаго жития, идеже Пресвятая Богородица Сама о Господе игуменствует, руководящи спасающихся духовных чад Ея, хвалебно к Ней взывающих: Радуйся, единое спасение душ наших; радуйся, райское утешение всех скорбящих. Радуйся, Святыя Горы Афонския просветительнице; радуйся, всея вселенныя покровительнице. Радуйся, надежное прибежище всем кающимся; радуйся, тихое пристанище от бед спасающимся. Радуйся, лавры Печерския строительнице; радуйся, Почаевския обители защитнице. Радуйся, экономиссо лавры Афанасия Афонскаго; радуйся, книго Христова завета новосионскаго. Радуйся, всех святых во едино собравшая; радуйся, христианом православ¬ным путь в рай указавшая. Радуйся, Благодатная Богородице Дево, святых обителей и рассеянных иноков Преславная Игумения.

Кондак 6: Проповедницы благодатнаго равноангельскаго жития во плоти явишася отцы преподобнии Антоний Великий, Пахомий, Макарий, Феодосий и прочии преподобнии отцы и матери, ихже житию сонми последоваша всех преподобных, наследницы бывше райских обителей со всеми святыми. И мы, им ныне подражающе, во ангельском чине живуще, воспеваем Спасителю мира хвалебныя гласы: Аллилуия.

Икос 6: Возсия образ жития равноангельскаго для всех, ищущих спасения вдали от всех сует мирских, примером Самого Христа Спаса и Бога нашего и Его Пречистыя Матере, Приснодевы Марии Богородицы, Предтечи Господня Иоанна и премногих святых угодников, ихже житию подражают вси преподобнии, под державным водительством Владычицы вселенныя, всечестнейшия игумении православных монашеских обителей, Марии Богородицы, хвалимыя от всех святых предивными похвалами сице: Радуйся, православнаго монашества Мати Игумение; радуйся, их ангельскаго жития вечное спасение. Радуйся, благая наставнице на путь небесныя жизни; радуйся, настоятельнице монашеския отчизны. Радуйся, скорая защито всех сиротствующих; радуйся, яко подвижником святым венцы всегда готовиши. Радуйся, всех праведников любящая; радуйся, кающихся грешников милующая. Радуйся, яко Твоя любовь Божией любви уподобляется; радуйся, яко всякая тварь Тобою о Господе спасается. Радуйся, радосте божественнаго веселия; радуйся, всего мира покрове и спасение. Радуйся, Благодатная Богородице Дево, святых обителей и рассеянных иноков Преславная Игумения.

Кондак 7: Хотя скорбный путь к небеси благоустроити, Господь наш Иисус Христос благослови Матери Своей, да игуменствует над всеми православными иноческими обительми, по всей вселенней сущими, руководящи в селения небеснаго рая сонмы избранников, ищущих спасения и поющих Избавителю Бoгy нашему: Аллилуия.

Икос 7: Новую жизнь образом ангельскаго жития показаша отцы преподобнии и матери, зане, вся оставльше сладости мира сего греховнаго, возлюбиша шествовати к небеси путем Царя славы Христа Бога нашего, крестными страданьми, и быша мученицы без крове, терпяще вся злая Царствия ради Божия, еже и получиша. И ныне сонми преподобных шествуют таковым путем, водимии Материю Божиею, яко всечестнейшею игумениею их преподобнаго жития, превозносимою от них хвалами: Радуйся, Мати Господа, Судии всеправеднаго; радуйся, во игумению от века предъизбранная. Радуйся, чистотою телесе всю тварь превозшедшая; радуйся, святостию души Своея небеса украсившая. Радуйся, благовестие небеснаго отечества; радуйся, духовный крине православнаго монашества. Радуйся, усердная молитвеннице о всех православных; радуйся, благая строительнице для святых избранных. Радуйся, тихое пристанище всем странствующим; радуйся, покоище блаженныя старости. Радуйся, Невесто неневестная; радуйся, яко на небеси, такожде на земли и во аде знаемая. Радуйся, Благодатная Богородице Дево, святых обителей и рассеянных иноков Преславная Игумения.

Кондак 8: Странное житие имуще Христовы избранницы, оставльше телесныя сладости и утехи, возлюбиша путь крестных страданий : в пустынях, на островех, разселинах скал и дубравах со зверьми пожиша равноангельно, и тамо устроиша Божиею волею святыя обители, в нихже воспеваху чрез все житие свое херувимский ко Господу глас: Аллилуия.

Икос 8: Весь бе всемогущий Бог во умех и сердцах из5ранных Своих угодников, по реченному: «Дивен Бог во святых Своих», прославляше святыя Своя, собирая из среды мира греховнаго, водворяя во святыя обители, да хвалят имя святое Его со святыми ангелы во веки вечныя, и Владычица Богородица, всеблагая Мати Господня, в тех премудро игуменствует, спасающи от бед и скорбей смиренно восхваляющих милости Ея: Радуйся, честнейшая всея твари, вселенныя; радуйся, сладчайшая, яко Божие селение. Радуйся, святый покрове жизни нашея; радуйся, божественный источниче сладости сладчайшия. Радуйся, вся наша надеждо спасения и покой; радуйся, по Бозе все наше упование в жизни земной. Радуйся, яко воскресе Сын Твой и Господь; радуйся, яко воскресит Той всяку плоть. Радуйся, Юже воспевают небесная воинства; радуйся, хвалимая от всех святых по достоинству. Радуйся, великая радосте моего спасения; радуйся, всего мира божественное утешение. Радуйся, Благодатная Богородице Дево, святых обителей и рассеянных иноков Преславная Игумения.

Кондак 9: Всякое мудрование земное презревше святии угодницы, яко юродиви, Христа ради явишася, бегающе и странствующе на земли, не имуще нигде телеснаго покоя, Царствия ради Небеснаго, еже получиша, и мы, им подражающе житием и подвиги, любовию ко Господу, Егоже и восхваляем, ангельски поем: Аллилуия.

Икос 9: Ветии премудрости Господней явишася отцы преподобнии Пахомий Великий, Антоний Великий, Макарий Египетский и всех православных иноков начальницы, просиявшии во святых, ибо своим святым житием равноангельским на земли и cловесы спасения спасоша премногия сонмы учеников, истинных рабов Христовых по всей вселенней, волением Пресвятыя Троицы, под державным игуменством Владычицы Богородицы, Юже от всея души всегда хвалиша тако: Радуйся, державная Владычице вселенныя; радуйся, игумение нашего спасения. Радуйся, Бога Отца Дщерь вселюбезная; радуйся, яко Матерь Сыну Божию сподобилася еси быти за святость и смирение. Радуйся, Бога Духа Святаго прекрасная палато; радуйся, на небеси и на земли любовию всебогатая. Радуйся, инокине, честнейшая херувим; радуйся, Мати Бога превысшая серафим. Радуйся, святых мучеников предивное терпение; радуйся, апостолов Христовых всемудрое учение. Радуйся, всех святых оправдание; радуйся, помоще наша в земных страданиях. Радуйся, Благодатная Богородице Дево, святых обителей и рассеянных иноков Преславная Игумения.

Кондак 10: Спасти хотя род человеческий, Господь наш Иисус Христос сниде с небесе во юдоль плача и скорбей и Своими страданьми божественнаго жития подаде пример всем святым, желающим достигнути небеснаго вечнаго покоя, в преподобии и правде хвалящим Его ангельскими гласы: Аллилуия.

Икос 10: Стена крепости божественныя явися всечестная наша Мати Игумения, охраняющи, спасающи и покрывающи вся святыя обители иноческия жизни во Святей Горе Афонстей и по всей вселенней, от зари веры христианския и до дне Страшнаго Суда Христова, спасающи божественною милостию преподобныя Своя, присно хвалящия Ея щедроты сими словесы: Радуйся, Пресвятая Мати Игумение; радуйся, источниче духовнаго воскресения. Радуйся, всю вселенную покрывающая; радуйся, Церковь Христову увеселяющая. Радуйся, пророческая славо и венец; радуйся, и моея жизни блаженный конец. Радуйся, яко краснейши неба еси и сладши рая; радуйся, образе святаго жития. Радуйся, любящая Свой жребий Афон; радуйся, украшающая Иерусалим и Сион. Радуйся, Мати милосерднаго Судии; радуйся, проливающая о мире Своя слезныя струи. Радуйся, Благодатная Богородице Дево, святых обителей и рассеянных иноков Преславная Игумения.

Кондак 11: Пение всеумиленное приносят вси святии в небесных селениих райских, со святыми ангелы хваляще и превозносяще Пресвятую Троицу, «Свят, свят, свят» вопиюще. И мы, православнии иноцы, верою сие зряще, вопием непрестанно к Богу нашему: Аллилуия.

Икос 11: Светоприемную свещу православнаго жития собори преподобных приемше, со всеми святыми, просиявшими от века, в путь небесный шествоваху, имуще всемогущую о Господе Владычицу Матерь Еммануилову, яко Игумению их богоподобнаго жития, и с радостию вопияху к Ней похвалами сице: Радуйся, собирательнице наша в обители спасения; радуйся, подающая нам образ смирения. Радуйся, Игумение Святыя Афонския Горы; радуйся, настоятельнице всех святых монастырей. Радуйся, монахине, житием всечестнейшая; радуйся, Воеводо во бранех всесильнейшая. Радуйся, чад церковных хранительнице; радуйся, живых и умерших спасительнице. Радуйся, сиротствующих Мати благодатная; радуйся, в скорби сущих отрадо приятная. Радуйся, спасение православных христиан; радуйся, святых щедрот божественный океан. Радуйся, Благодатная Богородице Дево, святых обителей и рассеянных иноков Преславная Игумения.

Кондак 12: Благодать подает всегда пресладкий Спаситель наш всем рабом Своим, в преподобии и святости подвизающимся на поприщи земнаго жития; уже бо сонми святых, прославленных Православною Церковию, в райских селениих воспевают Пресвятую Троицу со всеми небесными силами, и мы, им подражающе, вопием дивному во святых Богу: Аллилуия.

Икос 12: Поюще вся милости Господни и щедроты, нам, недостойным иноком, присно низпосылаемыя, и всечестное игуменство над всеми нашими обительми нашея всеблагодатныя Владычицы Богородицы, радуемся божественне и веселимся, яко сподобихомся спасение совершати, во святых обителех, идеже премнози сонми преподобных подвижников достигоша Небеснаго Царствия, егоже и мы святым покровом нашея небесныя Матери Игумении да достигнем за труды спасения и похвальная сия словеса: Радуйся, Пречистая Дево Богородице; радуйся, спасения нашего помощнице. Радуйся, игумение всех всещедрая; радуйся, яко в преподобии Ты еси первая. Радуйся, покровом милости весь мир покрывающая; радуйся, сирот странных питающая. Радуйся, юных целомудрия наставнице; радуйся, о всех людех благая печальнице. Радуйся, рода праотца Адама веселие; радуйся, тихое пристанище спасения. Радуйся, всещедрая наша Мати Игумение; радуйся, благое начало и конец нашего песнопения. Радуйся, Благодатная Богородице Дево, святых обителей и рассеянных иноков Преславная Игумения.

Кондак 13: О всепетая наша Мати Игумение, преславная Владычице Богородице! Приими сия моления наша, от всея души Тебе ныне нами возносимая, и сподоби нас в чине ангельском достигнути Небеснаго Царствия, идеже вси святии со ангелы воспевают непрестанными гласы хвалу Пресвятей Троице, Богу нашему: Аллилуия.

Сей кондак читается трижды, затем 1-й икос и 1-й кондак.

МОЛИТВА

О Пречистая Владычице Богородице, всечестнейшая наша Мати Игумение всех православных святых обителей иноческаго жития, во Святей Горе Афонстей и по всей вселенней сущих! Приими смирен¬ная моления наша и принеси я ко всещедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства не возможем окаяннии совершити своего спасения, яко окаляхом житие наше в суетах мирских, ибо время приближися жатвы Христовы и день Страшнаго Суда приспе. Мы же, окаяннии, погибаем в бездне греховней нерадения ради нашего, по реченному от святых отцев, первоначальников ангельскаго во плоти жития, яко последнии монаси нерадением жития своего уподобятся мирским человеком, еже и сбысться днесь, ибо последнее иночество наше плавает житием своим в мори житейском, посреде великия бури и непогоды, ибо наша святыя обители во прасе пребывают, грехов бо ради наших всеправедный Судия Господь наш Иисус Христос тако благоволи, мы же, недостойнии, не имамы, где главы подклонити.

О сладчайшая наша Мати Игумение! Собери ны, разсеянное стадо Христово, воедино и спаси православное монашество последняго века сего, и всех православных христиан сподоби райския жизни со ангелы и всеми святыми во Царствии Христа Бога нашего, Емуже честь и слава, со Безначальным Его Отцем и со Пресвятым, Благим и Животворящим Его Духом во веки веков. Аминь.

Тропарь, глас 6: Царица Небесная, / Пресвятая Госпоже Богородице Дево, / Игумение Святыя Афонския Горы / и всех святых обителей, / вси иноцы, с верою к Тебе притекающия, / избави от бед и скорбей, / и укрепи нас, в разсеянии живущих, / и спаси в мире душы нашя.

Празднование в честь иконы Пресвятой Богородицы «Афонская» совершается 5/18 июля

АКАФИСТ

Пресвятей Богородице в честь иконы Ея

КОСИНСКИЯ (МОДЕНСКИЯ)

Кондак 1: Избранней от всех родов Пресвятей Госпоже Деве Богородице благодарственная пения приносим Ти, раби Твои, яко прославила еси божественный образ Твой чудодействием. Ты же, всемилостивая Владычице, яко имущая державу непобедимую, от всяких нас бед свободи, да зовем Ти: Радуйся, Пресвятая Владычице Богородице, благодать и милость иконою Твоею нам являющая.

Икос 1: Ангел множество и вся небесная воинства славят Тебе, Царицу всех Богородицу. Ты же исполнила еси радости души наша милостивным пришествием к нам образа Твоего святаго, в нем же залог несумненный Божия благоволения и Твоего небеснаго заступления нам ниспослася. Темже, радующеся, славословим Твое милосердие и песненно Тебе вопием: Радуйся, благословенная Дево, от всех родов Богом избранная и паче всех возвеличенная; радуйся, Небесная Царице, Господа Бога Мати и Творца всяческих. Радуйся, яко Тебе вся небесная воинства величают; радуйся, яко Тебе вся колена земная Матерь Божию исповедуют. Радуйся, яко предстоящи славней иконе Твоей, Самой Тебе истинней Матери Божией поклоняемся; радуйся, яко силу Твою благодатную сей иконе обильно даровала еси. Радуйся, отрадо наша и дивное о нас попечение; радуйся, от нужд, печалей и бед непреложное избавление. Радуйся, любве божественныя явление; радуйся, чудес преславных совершение. Радуйся, духа уныния и боязни отгнание; радуйся, духа радости и крепости стяжание. Радуйся, Пресвятая Владычице Богородице, благодать и милость иконою Твоею нам являющая.

Кондак 2: Видящи премилосердная Мати Божия скорбное житие наше, немощи и болезни, благоизволи дати нам в радость и спасение и от всяких бед и напастей ограждение икону Свою святую. Не умолчим никогда, Заступнице наша преславная, о всех Твоих благодеяниих, да не будет под спудом свет чудес Твоих. Сего ради величаем Тя, возвеличившую род наш Твоим благоволением, прославляем благочестным пред святым образом поклонением и благодарственне вопием о Тебе Богу: Аллилуия.

Икос 2: Разум недоразумевает достойно песньми духовными восхваляти Тя, Небесная Царице. Ты бо восхотела еси знамение Твоея благодати явити людем во иконе Твоей; в нощном бо видении многим болящим явльшися, Пресвятая Дево, повелела еси молебная пения совершати пред святою иконою Моденскою и омытися в находящемся близ церкве езере. Болящии же деяху с верою повеленная и чудесно исцеляхуся. Мы же, с любовию прославляюще Тя, помощницу нашу всеизрядную, немолчными гласы вопием: Радуйся, Своим пришествием нас обогащающая; радуйся, всех прибегающих под кров Твой приемлющая. Радуйся, раны греховныя благоутробно врачующая; радуйся, праведный гнев Божий на нас Твоим молением скоро утоляющая. Радуйся, терпеливых страдальцев дары благодатными ущедряющая; радуйся, к покаянию нас призывающая. Радуйся, грешных молений не отвергающая; радуйся, желания богоугодная исполняющая. Радуйся, радость скорую подающая; радуйся, на смиренныя призирающая. Радуйся, врагов наших видимых и невидимых побеждающая; радуйся, любящия и чтущия Тя от всяких бед избавляющая. Радуйся, Пресвятая Владычице Богородице, благодать и милость иконою Твоею нам являющая.

Кондак 3: Силою свыше обогатившеся цельбоносною иконою Богоматере, приидите и видите божественное сокровище, всем прибегающим дары чудес обильно подающее. Что убо воздадим Господеви, сицевое человеколюбие нам явившему, чудотворный образ сей, яко небесный дар, нам ниспославшему и верных просветившему, вопиющих Ему хвалебную песнь: Аллилуия.

Икос 3: Имущи богатство милосердия неоскудное, от пречистыя Твоея иконы токи чудес источила еси, Владычице, болящим исцеление, страждущим ослабу и всем вся полезная подавающи. Мы же, памятующе выну покров Твой, молим Тя: всемилостивая Госпоже Дево Богородице, одержими есмы печальми, не остави убо до конца погибнути рабом Твоим, но ускори изъяти от настоящия скорби и печали вопиющих к Тебе: Радуйся, принесением честныя Твоея иконы тьму лютых обстояний от нас отгоняющая; радуйся, пораженных различными недуги чудесно исцеляющая. Радуйся, от врат смертных неисцельно болящих к жизни возвращающая; радуйся, горестию телесных страданий вечных мук избавляющая. Радуйся, скорбьми грехи наша очищающая; радуйся, печалию немощи душевныя врачующая. Радуйся, ожесточенно враждующих примиряющая; радуйся, прилоги врага отражающая. Радуйся, во всяких скорбех и печалех небесную отраду в сердца наша изливающая; радуйся, от разорения, плена и лютыя смерти всех уповающих на Тя свобождающая. Радуйся, злосмрадие страстей и похотей наших всемощным мановением укрощающая; радуйся, самых отчаянных грешников из рова погибели исхищающая. Радуйся, Пресвятая Владычице Богородице, благодать и милость иконою Твоею нам являющая.

Кондак 4: Бурю смятений и раздоров, врагами воздвигнутую в стране нашей, умири, Владычице, да не погибнем в беззакониих наших. Огради нас иконою Твоею от враг видимых и невидимых, и тако, укрепляеми Тобою, до конца живота своего вопием Создателю нашему: Аллилуия.

Икос 4: Слышавше ближнии и дальнии о дивнем чудеси святыя иконы Твоея, Пречистая Владычице, со усердием многим притекаху к цельбоносному Твоему образу, приемлюще от него дары неисчетных Твоих благодеяний. Темже и мы, аще и недостойни суще, со благоговением и радостию поклоняемся сему чудному образу Твоему и достодолжно Тя песньми ублажаем: Радуйся, свитче божественный, в немже перстом Божиим написася Слово; радуйся, от начала веков во главизну нашего спасения предъизбранная. Радуйся, скиние, Духом Святым осененная; радуйся, Благодатная, всеми добродетельми преукрашенная. Радуйся, вся ангельския чины превосходящая; радуйся, блаженное чрево, невместимаго всеми Бога вместившее. Радуйся, яко млеком Твоим питала еси Питателя вселенныя; радуйся, Мати преблагословенная. Радуйся, от небесных славимая и от земных хвалимая; радуйся, мира горняго первейшее украшение. Радуйся, маслино, елеем милосердия нас умащающая; радуйся, чудо чудес Одигитрие, на путь спасения нас наставляющая. Радуйся, Пресвятая Владычице Богородице, благодать и милость иконою Твоею нам являющая.

Кондак 5: Яко лучезарную звезду, чудотворную икону Матере Твоея показал еси нам, Господи; ибо, взирающе на образ Ея телесныма очима, умом и сердцем к Первообразней возвышаемся. О пречудная Мати Света! Огнем небесным коснися смущенныя души моея и исполни ю веры непостыдныя, надежды известныя и любве нелицемерныя, да всегда пою и славлю Тя, святейшую Матерь всесильнаго Бога, вопия Ему: Аллилуия.

Икос 5: Видевше преславную икону Твою, Пречистая, со умилением уразумеша вси неотступный покров Твой и милостивое о нас промышление. Тебе, благую Заступницу нашу, прилежно молим: заступи, покрый и соблюди нас от бед, озлоблений и падений греховных, осени благодатию Твоею, да, отвергше горечь греха, сладость благочестия обрящем и, на истинную стезю добродетели и спасения наставляемии, зовем Ти: Радуйся, яко чудес и целеб подательнице; радуйся, у Господа спасения нашего ходатаице. Радуйся, иноков благоподвизающихся всемощная покровительнице; радуйся, всех христиан вожделенная помощнице. Радуйся, неразумных премудрая вразумительнице; радуйся, целомудрия и воздержания незримая охранительнице. Радуйся, скорая в бедах и печалех утешительнице; радуйся, заблудших наставнице. Радуйся, всех немощных целительнице; радуйся, грешных споручнице. Радуйся, погибших взыскание; радуйся, нечаянная грешных радосте. Радуйся, Пресвятая Владычице Богородице, благодать и милость иконою Твоею нам являющая.

Кондак 6: Проповедуют милости Твоя, Богомати, вси концы вселенныя, ибо честным покровом Твоим покрываеши и защищаеши весь род христианский, и, ведуще Тя воистинну помощницу сильну и непобедиму, со слезами приносят Ти молитвы, да простреши к Сыну Твоему богоноснеи руце за люди Твоя, во еже избавити нас от всех бед и напастей, да благодарне вопием Богу, Тобою нас спасающему: Аллилуия.

Икос 6: Возсия неизреченная благодать от цельбоносныя Твоея иконы, Пресвятая Дево, пред неюже, со слезами припадающе, молим: всесильная рода нашего заступнице и помощнице, отжени облак нашедших на ны искушений и всяких злокозненных действий врагов наших видимых и невидимых и мирное устроение обуреваемым напастьми даруй, на Тя бо все упование возлагаем и умиленно Тебе зовем: Радуйся, образ Твой чудотворный во утешение и исцеление дати нам изволившая; радуйся, всемощным Твоим заступлением от бед нас избавляющая. Радуйся, искушаемым руку помощи простирающая; радуйся, во дни уныния надеждою вечных благ воодушевляющая. Радуйся, от треволнения моря житейскаго кающихся спасающая; радуйся, всем потребным ко благочестию снабдевающая. Радуйся, зависть и коварство на нас злых человек премудро разрушающая; радуйся, лживых провидцев и суетная гадания посрамляющая. Радуйся, чистотою Твоею чистому житию нас научающая; радуйся, окаменение сердечное умягчающая. Радуйся, хладность душевную благодатно согревающая; радуйся, верных пастырей Святыя Церкве укрепляющая и вразумляющая. Радуйся, Пресвятая Владычице Богородице, благодать и милость иконою Твоею нам являющая.

Кондак 7: Хотя явити велию любовь Свою к людем Человеколюбец Господь, Тебе, Матерь Свою пренепорочную, покров и защиту роду христианскому дарова, да будеши печальным утешение, скорбящим радование, отчаянным надежда, вечныя муки Своим ходатайством избавляющая и к небесному веселию всех приводящая вопиющих непрестанно гласом хваления Сыну Твоему и Богу нашему: Аллилуия.

Икос 7: Проповедник неизреченных чудес Твоих, Владычице, явися храм сей, святою иконою Твоею украшенный. Попущением бо Божиим, грех ради человеческих, все благолепие его некогда погибе, икона же чудотворная руками безбожных изъята бысть, но милостию Божиею уцеле и паки возвращена бысть в храм, идеже ныне честно пребывает. Мы же, неизреченному смотрению Твоему дивящеся, радостно взываем Ти: Радуйся, в годину напастей и испытаний чудотворную икону Свою во утешение нам сохранившая; радуйся, скорбная сердца наша вторым обретением образа Твоего возвеселившая. Радуйся, новую милость и новую благодать сим в Церкви являющая и тем путь спасения показующая; радуйся, осенением святыя Твоея иконы злых духов мечтания от нас удаляющая. Радуйся, непочитающих иконы Твоея святыя, яко прах, от лица земли развевающая; радуйся, юродивую мудрость века сего посрамившая и ослепленных ею на путь правый наставляющая. Радуйся, светом Христова учения тьму неверия прогоняющая; радуйся, временным наказанием невежд умудряющая. Радуйся, прославляющих Тя прославляющая; радуйся, Твоим ходатайством грехи наша прощающая. Радуйся, Твоим молением печали наша утоляющая; радуйся, Тя на помощь призывающих и имя Твое славящих спасающая. Радуйся, Пресвятая Владычице Богородице, благодать и милость иконою Твоею нам являющая.

Кондак 8: Дивное чудо зрим, егда чудотворная икона Твоя, Владычице, с песньми духовными приносится в храм Господень. Торжествуйте вси, зряще несомую икону Царицы Небесныя, от неяже токи чудес с верою приходящим источаются, недуги врачуются и скорби утоляются. Сего ради, прославляюще Бога, давшаго нам благодать таковую, вопием Ему: Аллилуия.

Икос 8: Всем вся благая и спасительная даруеши от святыя чудотворныя иконы Твоея, Богомати Пречистая, юже, яко сокровище многоценное, зряще, со гласом радования и благодарения взываем: Кто не ублажит Тя, о Мати наша милосердная! Кто не воспоет Твоя славная чудеса! И мы, грешнии, любовию к Тебе побеждаеми, отверзаем недостойная уста своя на похвалу Тебе сицевую: Радуйся, всежелательное всего мира зрение; радуйся, неподвижимое веры благочестия основание. Радуйся, всесветлое благодати познание; радуйся, жезле Ааронов, прозябший нетление. Радуйся, светильниче, на свещнице превышнем поставленный; радуйся, лествице небесная, Иаковом предвидимая. Радуйся, благородная отрасле богоизбраннаго рода Давидова; радуйся, палато Духа Пресвятаго. Радуйся, огненный престоле невидимаго Царя; радуйся, честнейшая и славнейшая без сравнения всех небесных сил. Радуйся, прекраснейшая всех дщерей человеческих; радуйся, воистинну присноблаженная и пренепорочная. Радуйся, Пресвятая Владычице Богородице, благодать и милость иконою Твоею нам являющая.

Кондак 9: Всякое естество удивися неизреченному действу силы Твоея, Дево пренепорочная, егда, многомощно свирепствовавшей холере в Косине и окрестных селениих его, приносима бываше сия чудотворная икона. Заступлением Твоим, всемилостивая Владычице, недузи отступаху, людие же, исцеление получивше, вопиют Богу: Аллилуия.

Икос 9: Витии многовещаннии недоумеют воспети по достоянию силу благодати, Тобою иконе сей дарованную. Кая ли песнь сладкопевца достойна будет восхвалити вся чудеса Твоя, яко принесением иконы Твоея во всяко место благодеяния различна источаются, долгонедужныя и разслабленныя исцеляются? Человецы же, Тобою тако помилованнии, из глубины души взывают Ти: Радуйся, предстательнице к Богу, мир от бед спасающая; Радуйся, милости сокровище многоценное нам открывающая. Радуйся, безчисленныя щедроты всем подавающая; Радуйся, почитати Тя нас научающая. Радуйся, ко спасению и восприятию благ вечных наставляющая; Радуйся, нераскаянных грешников к покаянию обращающая. Радуйся, хулителей святыя православныя веры невидимо карающая; Радуйся, иконою Твоею, яко столпом огненным, мрак греха отгоняющая. Радуйся, от междоусобныя брани охраняющая; Радуйся, вражия козни расторгающая. Радуйся, Русь православную возлюбившая; Радуйся, веру истинную в ней утвердившая. Радуйся, Пресвятая Владычице Богородице, благодать и милость иконою Твоею нам являющая.

Кондак 10: Спасения ищуще, к Тебе прибегаем, милосердная Мати, и, чудотворную Твою икону ныне обстояще, со благоговением и верою чествуем, ибо, всем поклоняющимся Тебе, скорое вспоможение подаваеши и во иных градех и весех чтущих Тя полезное прошение исполняеши. Темже, воспоминающе неисчетная чудотворения Твоя, вопием всемогущему Богу: Аллилуия.

Икос 10: Стена еси Ты, ограждающая нас от всяких болезней, всем с верою призывающим Тя в помощь, Пресвятая Дево Богородице. Ты бо, Владычице, младенцу зело страждущему, исцеление даровала еси. Сего ради, прославляюще Твое Матернее милосердие, благодарственными усты вопием Ти вси из глубины души: Радуйся, яко принесением иконы Твоея болезни лютыя прекращающая; радуйся, всем во всякой потребе вся полезная и благая подавающая. Радуйся, добрыя обеты приемлющая; радуйся, призывающих Тя заступающая. Радуйся, сумнящихся утверждающая; радуйся, супругом любовь и согласие подавающая. Радуйся, матерей детородящих скоро и безболезненно разрешающая; радуйся, чад их благодатно охраняющая. Радуйся, скорбным вдовицам и сирым помогающая; радуйся, пагубныя удары грома и молнии от нас отводящая. Радуйся, яко огнь, поядающий домы и пажити людския, росою молитв Твоих угашаеши; радуйся, благая домостроительнице, житие наше добре устрояющая. Радуйся, Пресвятая Владычице Богородице, благодать и милость иконою Твоею нам являющая.

Кондак 11: Пение наше, аще бы было и тьмочисленное, не довлело бы к достойному прославлению милостей Твоих, всехвальная Владычице, яже непрестанно изливаеши роду человеческому. Мольбу безчадных супругов, пришедших к чудотворней иконе Твоей, не оставила тщетну, но даровала еси им милость деторождения. Обаче, да не неблагодарни явимся пред Тобою, по силе нашей похвальная восписуем Ти с любовию, вопиюще Богу: Аллилуия.

Икос 11: Яко светоприемную свешу, зрим Твою честную икону, пречистая и преблагословенная Дево Богородице. Невещественный же в душах наших возжигающи огнь любве к Тебе, Всеблагая, приими веру и усердие наше, направи на стези истины путь наш, умоли Господа и Сына Твоего, да спасет нас, имиже весть судьбами, да не погибнем в нераскаянии о гресех наших, и услыши моление к Тебе взывающих: Радуйся, иконою Твоею нам благодеющая; радуйся, Матерния щедроты Твоя на нас изливающая. Радуйся, греховныя помыслы властно отгоняющая; радуйся, маловерных вразумляющая. Радуйся, неверных смыслы просвещающая; радуйся, милосердие Божие разумети нам помогающая. Радуйся, страх Божий в сердца верных влагающая; радуйся, о храмех Божиих попечение имущих духовною радостию утешающая. Радуйся, от сна лености нас возставляющая; радуйся, омраченных светом богопознания и благочестия озаряющая. Радуйся, блага земная, суетная и скоропреходящая, презирати нас научающая; радуйся, к небесным и вечным сокровищем умы и сердца наша возводящая. Радуйся, Пресвятая Владычице Богородице, благодать и милость иконою Твоею нам являющая.

Кондак 12: Благодать Божия, присущая святей иконе Твоей, пречудная Царице Богородице, влечет к ней всех скорбящих и обремененных, и, радость сии получивше от сего источника Твоих милостей и щедрот, благодарно вопиют благих подателю Богу: Аллилуия.

Икос 12: Поюще Твоя чудеса, бывшая в древняя и настоящая времена, хвалим Тя, Богородице, яко неисчерпаемый источник милости, яко неистощимую реку чудес и, прибегающе к Твоему всесильному заступлению, взываем, помощи Твоея просяще: буди нам, всеблагая Владычице, покров и защищение и в день кончины нашея, и егда имамы предстати на суд страшному престолу Сына Твоего, да не постыдимся во уповании нашем, еже по Бозе крепко на Тя возлагаем, вопиюще: Радуйся, любовь к Тебе имущим врата райская отверзающая; радуйся, на милость к нам грешным Господа преклоняющая. Радуйся, на путь исправления заблуждающихся направляющая; радуйся, согрешающих покаяние милостиво приемлющая. Радуйся, во дни скорби люди Твоя укрепляющая; радуйся, в час смертный тьму вражию от нас отгоняющая. Радуйся, безболезненную и мирную кончину устрояющая; радуйся, вечнаго царствия у Сына Твоего и Бога нашего всем нам просящая. Радуйся, Тобою бо нисходит к нам Божие благоволение; радуйся, грехов наших непоминовение. Радуйся, от власти князя воздушнаго свобождение; радуйся, геенны вечныя избавление. Радуйся, Пресвятая Владычице Богородице, благодать и милость иконою Твоею нам являющая.

Кондак 13: О всепетая и всемилостивая Мати, приими ныне молебное пение наше, пред чудотворною иконою Твоею с верою и благоговением Тебе возносимое. Призри милостивно на веру и упование наше и всесильными Твоими молитвами избави нас от всякия напасти, болезни, внезапныя смерти и сподоби в блаженстве вечном со всеми святыми хвалу Богу воспевати: Аллилуия.

Сей кондак читается трижды, затем 1-й икос и 1-й кондак.

МОЛИТВА 1-я

О премилостивая и пречудная Света умнаго Мати, достойно славимая и праведно от всех горних чинов ублажаемая, яко без сравнения их превосходящая, Бога и Творца всяческих рождшая! Благодарим Тя о всех благодеяниих Твоих, яже благоволила еси явити нам преславным принесением чудотворныя Твоея иконы. Кое благохваление пришествию Твоему сотворим, недоумеваем, точию удивляемся, величающе Твое милосердие, еже на нас показала еси. Темже и мы, грешнии, со страхом и радостию припадающе к цельбоносной иконе Твоей, благодарственно вопием Ти: о всесильная рода нашего Помощнице! Услыши нас, молящихся Тебе, и яви милость Твою; се бо, на пречистый образ Твой взирающе, яко живей Ти с нами сущей, молим Тя усердно: не помяни множества грехов наших, но исполни во благих прошения, даруй нам вся потребная к животу и благочестию, избави нас от скорбей, бед и всяких болезней, наипаче же от смертоносныя язвы и пагубы, от навета злых человек и всякаго обстояния. Соблюдай и спасай нас благодатию Своею, Владычице, от тлетворных учений неверия и суеверия, от лукавых совращений. Сохрани нас и отечество наше от всяких крамол, нестроений и злых развращений, врагами веры православныя воздвизаемых. Сподоби же нас, всеблагая Заступнице наша, благочестно житие сие земное совершити, христианскую безболезненную, непостыдную, мирную кончину получити и Небесное Царствие наследовати, да всегда поем, величаем и славим Тя, яко благую заступницу рода христианскаго, со всеми угодившими Богу. Аминь.

МОЛИТВА 2-я

Радуйся, всего мира Заступнице! Спасения нашего Ходатаице! Ты источила еси нам радость и благословение, принесением чудотворныя Твоея иконы. О, Дево всенепорочная! О, Царице всепетая! Хвалебную песнь воспеваем Ти раби Твои, поклоняемся с любовию и молим Тя: Владычице, Мати Христа Бога нашего! Молися прилежно Сыну Твоему, подати нам грехов оставление, миру умирение и душам нашим спасение. Аминь.

Тропарь, глас 4

Пречистая Твоя икона, Владычице, врачевство всему миру духовное, к ней же со умилением припадающе молимся: скоро избави от обдержащих болезней рабы Твоя, бурю житейских треволнений утоли и злыя страсти наша прожени, обременени грехи многими, Мати Бога вышняго! Милостива к нам Сына Твоего и Бога нашего сотвори и прощение всем согрешением нашим испроси, Твое бо предстательство стяжахом.

Кондак, глас 6

Яко источника Тя живота, всепетая Мати, ведуще, и яко чудес и целеб Подательницу, страстей душевных же и телесных скорое потребление, богатство милости и щедрот неистощимое. Тебе со дерзновением притецем и умиленно воззовем: всемилостивая Владычице! Посети нас Твоими Матерними щедротами, радости неизреченныя исполни и Света невечерняго сподоби нас.

КОСИНСКАЯ (МОДЕНСКАЯ)

Чудотворная икона Божией Матери находится в Свято-Успенском храме в Косине г. Москвы

По преданию икона привезена в Россию графом Борисом Петровичем Шереметьевым из города Модены (северная Италия) в конце XVII века. В церковь села Косина пожертвована императором Петром I.

Когда Измайловский пруд и Яуза стали тесны для флотилии, на которой отрок Петр обучался морской службе, тогда он перенес свою флотилию на Белое озеро в Косино, где она и находилась до перенесения на Плещеево озеро. Благодарный за первую науку обоим озерам, Петр Великий не забывал их и не один раз посещал Измайлово и Косино, и в знак своего благоволения оставил Косинской церкви драгоценный дар — икону Божией Матери, именуемую Моденскою.

Пресвятой Богородице угодно было прославить сию икону многими благодатными знамениями и чудесными исцелениями.

В деревне Кожухове, близ Симонова монастыря (разрушен в 1933 году), около 1808 года одна девица страдала сильною болью в ногах и совершенно не могла ходить. Милосердная Помощница явилась больной во сне и повелела ей молиться пред Своею иконою в селе Косине и искупаться в Святом озере. Больная поспешила выполнить повеленное, отслужила молебен пред святою иконою, выкупалась в Святом озере и получила исцеление. В благодарность за свое исцеление она устроила на икону медную вызолоченную ризу.

Дочь московского купца Мамаева страдала от сильной боли в ногах, которые были очень опухшими. Прибыв в Косино, она вместе с матерью и другими родственниками, помолившись пред Косинской иконою Божией Матери, отправилась на Святое озеро и там с верою и надеждою на помощь Царицы Небесной опустила свои распухшие ноги в воду озера в чулках, которые снять было крайне трудно, и опухоль спала, чулки свалились с ног, и боль прекратилась.

У мещанина Сергиева Посада ребенок сильно страдал от золотухи. Мать ребенка, услышав о чудотворной иконе Божией Матери в Косине, дала обещание помолиться у святыни и заметила, что ребенку стало легче. Когда же она исполнила обещание, прибыла в Косино, отслужила молебен перед Косинской (Моденской) иконой Божией Матери и искупала младенца в Святом озере, то ребенок, вскоре же по возвращении домой, выздоровел.

В одной крестьянской семье долго не было детей, что составляло для мужа и жены большое горе. Они решились об-
ратиться с молитвою к Царице Небесной и отправились в Косино на поклонение чудотворной иконе Божией Матери Ко-
синской. Усердно молились супруги перед святою иконою, и Владычица услышала их молитву. На другой год родители прибыли в Косино уже с младенцем, чтобы возблагодарить Божию Матерь за дарованную им радость и испросить благословения и покрова Царицы Небесной родившемуся дитяти.

А в 1848 году, во время свирепствовавшей в Косине и окрестных селениях холеры, много раз приносили из Косина чудотворную икону для общественного молебствия и заступлением Царицы Небесной болезни прекращались.

В 1940 году, после закрытия Косинских храмов, Косинская (Моденская) икона Божией Матери была конфискована государством и передана в Музей религии и атеизма, бывшему сначала в Москве, затем в Ленинграде. После Великой Отечественной войны икона была переведена на хранение в Музей древнерусского искусства имени преподобного Андрея Рублева, расположенного на территории Спасо-Андрониева монастыря в Москве. В 1976 году сотрудницей музея Ириной Васильевной Ватагиной святыня была отреставрирована, после чего обновленная икона в течение трех лет находилась в экспозиции музея, а затем бережно хранилась вплоть до своего возвращения в храм Божий на свое прежнее место.

По милости Царицы Небесной второе обретение Косинской (Моденской) чудотворной иконы Божией Матери состоялось 2 июля 1991 года.

В этот день по благословению Святейшего Патриарха Московского и всея Руси Алексия II на территорию Спасо-Андрониева монастыря прибыли Преосвященный Арсений, епископ Истринский, все благочинные города Москвы, духовенство Косинского прихода, духовенство других приходов, верующие люди. Чудотворную икону из запасников музея торжественно перенесли во вновь открытый Собор Спаса Нерукотворного образа, где Преосвященный Арсений, епископ Истринский, в сослужении множества духовенства совершил молебен перед Косинской (Моденской) иконой Божией Матери и освятил ее.

А затем состоялось торжественное перенесение чудотворного образа в Косинский приход. С южной окраины Косина крестным ходом, возглавляемым Преосвященным Арсением, епископом Истринским, при огромном стечении духовенства и православного люда как из Москвы, так и со всей России, Косинская (Моденская) икона Божией Матери была внесена в ограду. В ограде храмов Преосвященным Арсением в сослужении многочисленного московского и подмосковного духовенства перед святыней был прочитан акафист и отслужен водосвятный молебен, после чего чудотворная икона Божией Матери Косинская была внесена в Свято-Никольский храм и установлена на специальном постаменте.

3 июля 1991 года, в праздник обретения Косинской (Моденской) иконы Божией Матери, после 70-летнего перерыва, в Косинской церкви возобновилось патриаршее служение. В этот праздничный день Божественную Литургию в Свято-Никольском храме в сослужении Преосвященного Арсения, епископа Истринского, и множества духовенства совершил Святейший Патриарх Московский и всея Руси Алексий II.

2 июля 1992 года, после возвращения приходу Свято-Успенского храма, чудотворный Косинский образ Божией Матери разместили в нем, где святыня пребывает и поныне.

Празднование чудотворной Косинской (Моденской) иконы Божией Матери совершается дважды в год: в шестое воскресение по Пасхе (первое воскресение после Праздника «Вознесения Господня» и 20 июня/3 июля.

АКАФИСТ СВЯТИТЕЛЮ АНТОНИЮ МИХАЙЛОВСКОМУ, АРХИЕПИСКОПУ БРЯНСКОМУ, БОГОМУДРОМУ
Душеспасительное наставление ученолюбивому по Богомудрым писаниям Святителя Антония
Кондак 1. Избранный Духом Святым во всей святоотечней литературе лучшим наставником умному деланию или непрестанней покаянней молитве Иисусовой – единому пути спасения христиан последнего века сего, восхваляем тя любовию, вселенский учителю и Святителю Антоние, да зовем ти: Радуйся, Антоние, Святителю Богомудрый.
Икос 1. Архангели и Ангели возликовали, егда Бог дарова ти, преблаженне Антоние, высшую святость для написания Богомудрых писаний о молитве, правой вере и терпении скорбей – трех видех добра, яковыми приобретается все прочее добро. Избирая иночество, ты пишиши свое первое Богомудрое писание «Половая похоть», воспевая в нем девственность души и тела, и мы воспеваем ти сице: Радуйся, неизреченную славу Христову хваливый; радуйся, безмерне величие Его песнословивый. Радуйся, житие свое на благоугождение Господу направивый; радуйся, всесвятое имя Бога прославивый. Радуйся, Царствия Божия и правды Его искавый; радуйся, за все Его благодаривый. Радуйся, девство и чистоту воспевый; радуйся, половую похоть презревый. Радуйся, к полному целомудрию призвавый; радуйся, грех блуда поборавый. Радуйся, Антоние, Святителю Богомудрый.
Кондак 2. Видяще скорбь родителей тя возлюбившей Татианы, егда та на балу от свечи возгорелася, ты в утешение им пишиши книгу «День за днем. Дневник православного священника» — Богомудрое писание о терпении встречающихся скорбей, утешая вопиющих к Богу: Аллилуиа.
Икос 2. Разум Божественный имея, святая Царица-Мученица Александра о сей книге другине пишет: «Каждое утро я читаю книгу, которую ты мне подарила семь лет назад «День за днем», и очень ее люблю, нахожу много слов утешения…» И мы, чтя ежедневне ея, научишися воспевати ти: Радуйся, вси земнии прискорбности приемый; радуйся, их оставление Божиим Промыслом пояснивый. Радуйся, скорби вместо воздушных мытарств приимати научавый; радуйся, душу свою уже зде очищавый. Радуйся, в час исхода ея в свет лица Божия возносивый; радуйся, в собор искупленных Христом прямо вошедый. Радуйся, к сему претерпению промыслительнему призвавый; радуйся, к соблюдению заповедей Христовых возбуждавый. Радуйся, терпением спасати души наставлявый; радуйся, тот спасется, кто претерпит до конца, утешавый. Радуйся, Антоние, Святителю Богомудрый.
Кондак 3. Силою Вышняго осенен, богоносе отче Антоние, написал еси «Свет от Света. Рассказ из истории земной жизни Спасителя», благовествуя о проповеди и чудесех Спаса нашего Иисуса Христа, спасшаго мир от власти диавола и смерти вечней; и мы благодарственне Богу вопием: Аллилуиа.
Икос 3. Имеяше воистинну разум Божий, отче Антоние, ты чтеши нам о святих жене-мироносице Сусанне, ея брате Великом раввине Гамалииле, праведнем Никодиме, Лазаре Четверодневнем с сестрами Марфой и Марией, равноапостольней Марие Магдалине, омывшей слезами Иисусу ноги, отершей власами главы своея и помазавшей их миром. И мы, любовию твоею побеждаеми, вопием ти сице: Радуйся, в истинней, совершенней любви пред Богом ходивый; радуйся, открывающую Царствие Божие праведность имевый. Радуйся, свет, открывшийся в Богочеловеке Иисусе Христе, возлюбивый; радуйся, истинный облик Иисуса Назарянина явивый. Радуйся, в стяжании Духа Святаго здравие души – святость заключивый; радуйся, чистоту сердечную и непорочность жития сохранивый. Радуйся, общее для нас имя христианина бережне хранивый; радуйся, о проповеди учения Христова радевый. Радуйся, совершенне Христа познавый; радуйся, до глубины и истины проникнувый. Радуйся, Антоние, Святителю Богомудрый.
Кондак 4. Буря недоумения смущает нам ум, егда помышляем, яко ты, блаженне Антоние, в Императорской Киевской Духовной Академии, в течение шести лет, созидал Богомудрое писание о правой вере «Православное учение о личном спасении», ставшее выдающимся трудом в отечественнем богословии, и ты ста магистром богословия; Богу смиренно воспеваем: Аллилуиа.
Икос 4. Егда слышана бысть, богомудре Антоние, твоя речь пред ея защитой: «Вашему просвещенному вниманию я предлагаю свою посильную попытку раскрыть на основании Священного писания и творений святоотеческих православное учение о личном спасении, т.е. о том, в каком смысле и каким путем человек, каждая данная личность, получает причастие истинной вечной жизни», и мы вопием ти: Радуйся, вопрос о жизни, цели существования разрешивый; радуйся, како человеку жити истиннею жизнию научивый. Радуйся, обязательность себе Православия признавый; радуйся, знание Бога жизнию устроивый. Радуйся, жизнь Христову в себе воплотивый; радуйся, писатель святый, отцем Церкви ставый. Радуйся, Православие и инославие противоположивый; радуйся, совершенне отличныя их мировоззрения одно на другое не сводивый. Радуйся, любовь истины основным началом жизни признавый; радуйся, помощью Божией и верой во Христа Бога спасение совершавый. Радуйся, Антоние, Святителю Богомудрый.
Кондак 5. Боготечная звезда явился еси, егда написал велие Богомудрое писание «О молитве Иисусовой» — руководство в делании и спасении всех православных христиан последняго века сего, призывающих тя в помощь, Богомудрый святый Антоние, научая верныя спасающему тобою Богу взывати: Аллилуиа.
Икос 5. «Святые отцы и учители, и делатели истинного покаяния, желая следовати за Христом, как единым могущим спасти, и брань вести согласно сказанного выше силою имени Господа, для сего всегдашнее оружие избрали себе от Духа Святаго изложенную молитву Христу Господу Иисусу, отдавая ей преимущество», — пишиши ты, преблаженне отче Антоние, в сем Богомудром писании. Того ради слышиши от всех сице: Радуйся, молитву Иисусову действенней сутью покаяния знавый; радуйся, сие великое делание из деланий делати призвавый. Радуйся, дабы Бог разумно славися желавый; радуйся, всякому делателю покаяния самое главное описавый. Радуйся, отсекати воли своея хотения научавый; радуйся, Бога больше твари любивый. Радуйся, всячески не надеятися на себе предупреждавый; радуйся, все и вся добрае Богу отдавый. Радуйся, за добрае Богу славу творивый; радуйся, вси виды молитвы описавый. Радуйся, Антоние, Святителю Богомудрый.
Кондак 6. Проповедует мир весь тебе, преблаженне Антоние, написавшаго Богомудрое писание «Забытый путь опытного Богопознания или Тайна спасения», и в нем глаголавшаго, яко молитвой Иисусовой спаслися вси святии, и делание сей молитвы есть единый путь спасения для последних времен, для нас. Ибо только внутренняя жизнь и есть истинне христианская жизнь, яко свидетельствуют о сем святии отцы нам, вопиющих к Богу: Аллилуиа.
Икос 6. Возсия в тебе обильне благодать Божия, егда глаголеши в сем писании: «По святоотеческому разуму в основе опытного Богопознания, в основе опытного усвоения спасения, лежит умное делание или непрестанная покаянная молитва Иисусова: Господи, Иисусе Христе, Сыне Божий, помилуй мя грешнаго. …Это делание и есть тот спасительный обломок от апостольского корабля, который нам предложен святыми отцами для нашего спасения». Добрый пастырю Антоние, благодарственне вопием ти: Радуйся, монашество внутренним христианством назвавый; радуйся, токмо восточное православное монашество величавый. Радуйся, о разделении христианскаго человечества на западнее и восточнее сказавый; радуйся, о духовней незрелости западнего предупреждавый. Радуйся, к усовершению себе в молитвеннем подвизе призвавый; радуйся, существенне важныя совети в сем делании давый. Радуйся, науку умнаго делания святых отцев изъяснивый; радуйся, к сему деланию всех приступити просивый. Радуйся, нашу умную сущность души пояснивый; радуйся, Богомудрыя писания и скорби духоносными наставниками определивый. Радуйся, Антоние, Святителю Богомудрый.
Кондак 7. Хотя Человеколюбец Господь дати совети истинне духовнаго жития, благослови тя, Антоние, написати Богомудрое писание «Советы духовного отца», коим в невелиих словесех дается душеспасительне наставление ученолюбивому, благословив прочитывати его в праздники, да благодарне Богу вопием: Аллилуиа.
Икос 7. Новый совет дарова ты, отче святый Антоние: «Надо нудить себя, без труда и напряжения умного ничего духовного не достигнете. Иисус Христос сказал: Царство Божие силою берется», в благочестии наставляя вопиющих таковая: Радуйся, дело Божие делати ради единаго Бога призвавый; радуйся, все с молитвою делати научавый. Радуйся, тайны Спасителева домостроительства познавый; радуйся, тайны благочестия и вечнаго спасения раскрывый. Радуйся, всякое благое дело с мужеством начинавый; радуйся, к просвещению разума Духом Святым понуждавый. Радуйся, о лествице в Царство Небесное внутри души сказавый; радуйся, на словесех молитвы Иисусовой ум распинавый. Радуйся, твердо в Промысел и промышление Божие веровавый; радуйся, человечеству смысл мира даровавый. Радуйся, Антоние, Святителю Богомудрый.
Кондак 8. Странное чудо является чтущим тя, блаженне Антоние, Богомудрое писание твое «Мысли и советы духовного отца о вечном спасении», благословивый прочитывати его в воскресенье, верно Богу вопиюще: Аллилуиа.
Икос 8. Весь добродетелей исполненный, богоносе Антоние, нача сие писание словесы: «Цель и смысл жизни – это есть жизнь в Боге – в общении с Богом и Пречистой Богородицей – Богоматерью и Девой Марией и всеми святыми всех народов. Для сего человек должен всецело, беззаветно, безгранично отдаться Богу чрез соблюдение Евангельского учения», благодарне вопием ти: Радуйся, путь Христов – путь креста указавый; радуйся, инаго пути помимо креста не имевый. Радуйся, веру в Бога нравственным долгом человека назвавый; радуйся, православную веру действующею любовию определивый. Радуйся, Богочеловечество – цель жизни мира возвестивый; радуйся, Божественнее всеединство проповедовавый. Радуйся, глубоку скорбь о безсмыслице жизни мира чувствоваый; радуйся, христиан боротися противу силы зла призвавый. Радуйся, о торжестве добра в конце времен истории вещавый; радуйся, о втором пришествии Христовом и торжестве всемирнаго смысла восклицавый. Радуйся, Антоние, Святителю Богомудрый.
Кондак 9. Все воинство ангельское возликовало, великий наш заступниче Антоние, егда Бог ти дарова написати Богомудрое писание «Ольховский монастырь» — образец святей обители дев, уневестивших себе Христу и непрестанне Ему вопиющих: Аллилуиа.
Икос 9. На новое многотрудное духовное далание взошел еси, богомудре отче Антоние, входя, яко ты пишиши: «В святую обитель девственниц, в заветный чертог Христа Спасителя нашего, Коему уневестили себя они, — отрясу же я прах от ног моих, сообразуясь со святостью места; ни делом, ни словом, ни мыслию не подам я повода к соблазну, да не оскорблю любовь Посетителя душ их – Христа, да не навлеку на них неблаговоление Его, да не расстрою благоустроенные смирением, безмолвием и молитвою – тесные их связи с Небесным Женихом – любовь святую, безраздельную…» Благоговейне поем ти: Радуйся, живущих в обители земными ангелами величавый; радуйся, обители их раем воспевый. Радуйся, главну задачу их жития указавый; радуйся, благоугождати в сем раю Жениху своему Иисусу восхваливый. Радуйся, на мир грехолюбивый не смотревый; радуйся, дух его в мирны приюты Христовых горлиц не допускавый. Радуйся, ни на час самоотвержения не слагавый; радуйся, денно и нощно себе со страстьми и похотьми распинавый. Радуйся, в обителех о вестех Небесных вопрошати научавый; радуйся, вести сии в сердце слагати, славя и благодаря Бога, наставлявый. Радуйся, Антоние, Святителю Богомудрый.
Кондак 10. Спасти хотя души христиан последняго века сего, отче наш Антоние, и укрепляя их в мужестве пред грядущими страданиями, созидал Богомудрое писание «Отец Арсений. Лагерь. Путь. Дети», о Соборе новых мучеников и исповедников Российских, за Христа пострадавших, всегда вопиющи: Аллилуиа.
Икос 10. Стена еси похваляющим, преблаженне, их мученическое житие, егда ты пишиши: «Лучшие люди Русской Православной Церкви погибли в это трудное время: иереи и епископы, старцы, монахи и просто глубоко верующие люди, в которых горел неугасимый огонь веры, по силе своей равный, а иногда и превосходящий силу веры древних христиан-мучеников». Настави и нас, вопиющих ти с любовию таковая: Радуйся, о миллионех верующих, погибших в лагерях и тюрьмах, рассказавый; радуйся, переживших страдания на допросех восхваливый. Радуйся, яко за веру их, яко не отреклися от Бога, воспевый; радуйся, умирающих и славящих Его превозносивый. Радуйся, Бога, не оставляющаго мучеников, прославивый; радуйся, труд и смерть многих миллионов мучеников забвению не предавый. Радуйся, о пострадавших Бога ради и нас, живущих на земле, сказавый; радуйся, долг пред Богом и людьми исполнивый. Радуйся, к подражанию их любви к Богу и людем призвавый; радуйся, быти настоящими христианами научавый. Радуйся, Антоние, Святителю Богомудрый.
Кондак 11. Пение всеумиленное возносим ти, преблаженне Антоние, егда ежедневне чтем твое Богомудрое писание «Пособие для исповедания согрешений Господу Иисусу Христу», кое в Завещании своем именуеши «Зеркало заповедей Христовых», наставляя нас в Троице Единому Богу воспевати: Аллилуиа.
Икос 11. Светильник велий возжен нам Духом Святым, Богом избранне отче Антоние, дабы при свете его лучу зрети нам своя согрешения, и достойне исповедати их нашему Господу и Богу, и своему духовному отцу, получая его молитвою прощение и разрешение всех грехов наших Господом Иисусом Христом, вопиющих ти таковая: Радуйся, верным апостольским путем шествовавый; радуйся, чин домашней исповеди написавый. Радуйся, Духом Святым его созидавый; радуйся, обязательным для всех его признавый. Радуйся, искоренити грех целью жизни указавый; радуйся, ревностию по Боге возгоравый. Радуйся, в зеркало заповедей Христовых смотретися научавый; радуйся, из Евангелия Силою свыше вооруживый. Радуйся, возлюбивших покаяние восхваливый; радуйся, яко его же хощет Сам Бог пояснивый. Радуйся, Антоние, Святителю Богомудрый.
Кондак 12. Благодать дадеся ти велия от Бога, преславный отче Антоние, для Богомудраго писания «Завещание до смерти и после смерти», кое завещал еси прочитывати каждое воскресенье: с обетованием, яко благодать Святаго Духа, глаголавшая в сем завещании твоем, да изльется обильне в каждое сердце, возлюбившее покаяние, его же хощет Сам Бог; благодарне вопием к Богу: Аллилуиа.
Икос 12. Поюще твоя Богомудрыя писания, восхваляем тя, всехвальне Антоние, и чтем твое Завещание: «Запомни: Благодатью причащения Небесный Христос вместе с Отцом Небесным входит в тайну нашего личного бытия и Духом Святым зиждет жизнь причастника в храм духовный, в живую Себе обитель, чтобы восхищать нас в Тайну Свою, в несозданный свет Божества Своего, и в нем преображать нас в славу Христова Воскресения, в небесных человеков грядущего века», благодарне вопием ти таковая: Радуйся, внушения Духа Божия написавый; радуйся, внимати им завещавый. Радуйся, дух крещения нашего Духом Святым воспламенивый; радуйся, всю нашу надежду в жертву Богу приносивый. Радуйся, едину мысль Святаго Духа о людех открывый; радуйся, едину цель жизни нашея указавый. Радуйся, всеоружием силы Христовой нас вооруживый; радуйся, победне противустояти диаволю научивый. Радуйся, канон исходный в обязанность вменивый; радуйся, ежедневне послушание неотменне давый. Радуйся, Антоние, Святителю Богомудрый.
Кондак 13. О, предивный угодниче Христов отче Антоние, наставниче христиан последняго века сего, нынешнее наше приими приношение, и настави ны, своими Богомудрыми писаниями, на единый путь спасения – умнае делание или непрестанную покаянную молитву Иисусову, ибо вси иныя пути для нас закрыты, да с тобою воспеваем: Аллилуиа.
Этот кондак читается трижды, затем 1-й икос: Архангели и Ангели… и 1-й кондак: Избранный Духом Святым…
Молитва. Премнозе возлюблен Господем, и оклеветан сатаной, яко ни един Святитель во вся веки, о великий угодниче Божий Антоние Киевский, явленный в последнем веке сем в духе и силе Иоанна Крестителя, настави нас, немощных, на единый путь спасения – делание молитвы Иисусовой, ибо, яже Святый Дух усты твоими отрыгну, все иные пути для нас закрыты. Преподаждь нам, любомудрым, в невелиих словесех душеспасительно наставление своими Богомудрыми писаниями о молитве, правей вере и скорбей терпении – трех видех добра, яковыми приобретается все прочее добро. О, честный «отче Арсение» – Святителю Божий Антоние, моли Бога в Троице славимого о нас, да благодать Святаго Духа, глаголавшая в завещании твоем, изольется обильно в каждое сердце, возлюбившее покаяние, его же хощет Сам Бог. Аминь.
Тропарь, глас 4-й. Учителя непрестанной молитвы Иисусовой, и наставника жизни христианской, яви тя Господь в духе и силе Крестителя, наставляя верных на путь спасения, Святителю отче Антоние, моли Христа Бога спастися душам нашим.
Кондак, глас 3-й. В последнем веке сем, в невелиих словесех преподал еси душеспасительно наставление ученолюбивым о трех видех добра: молитве, правей вере и скорбей терпении; сего ради премнозе возлюблен Господем и оклеветен сатаной яко ни един Святитель во вся веки.
Величание. Величаем тя, Святителю Антоние Богомудрый, и чтим святую память твою, ты бо еси наставник наш молитве Иисусовой.
Празднование Святителю Антонию Богомудрому совершается по старому стилю в воскресенье, 25 января – Собор новомучеников и исповедников Церкви Русской, 30 января – Собор вселенских учителей и святителей, 31 марта – преставление, 20 сентября – Собор Брянских святых, 17 ноября – прославление (2015) и неделя пред Рождеством Христовым, святых отец – Собор Святителя Антония Богомудрого.

Божиею милостию смиренный Антоний, епископ Азовский и Ростовский
Греко-Российская Кафолическая Православная Церковь

4/17 января 2023 года
Предпразднство Богоявления. Собор 70-ти апостолов.

АКАФИСТ ВСЕЛЕНСКОМУ УЧИТЕЛЮ И СВЯТИТЕЛЮ
АНТОНИЮ БОГОМУДРОМУ, АРХИЕПИСКОПУ БРЯНСКОМУ (МИХАЙЛОВСКОМУ;1889-1976) 
Кондак 1. Премнозе возлюблен Господом, и оклеветен сатаной, яко ни един святитель во вся веки, о великий угодниче Божий Антоние, всему миру указавый единый путь спасения – умное делание или непрестанную покаянную молитву Иисусову, и написавый руководство в ней, восхваляем тя с любовию, Святителю Антоние: настави ны на опытный путь Богопознания, да зовем ти: Радуйся, Cвятителю Антоние Богомудрый, из Святей Руси всему миру возсиявый.
Икос 1. Ангельских миров и всея твари Господь, егда по грехом нашим, нашествие богоубийц, междоусобную брань, и воинствующих безбожников великаго отсутпления от веры в Бога лютование попусти, и мир православный кровию обагрися, избра тя, всехвальне Антоние, архипастырем Церкви Христовой, да наставиши на единый путь спасения. О сем ти воспеваем таковая: Радуйся, во Иерусалиме рожденный; радуйся, во Иордане крещенный. Радуйся, Богу себе всецело предавый; радуйся, Христовых страданий вкусивый. Радуйся, служения премудрость подъявый; радуйся, молитву зрительную получивый. Радуйся, все дары Святаго Духа имевый; радуйся, Богомудрыми писании просветивый. Радуйся, руководство в молитве Иисусовой написавый; радуйся, на страдания за Христа смело идти призывавый. Радуйся Святителю Антоние Богомудрый, из Святей Руси всему миру возсиявый.
Кондак 2. Божией милостию, в день отдания праздника Успения Пресвятыя Богородицы, в мир сей дольний пришел еси, якоже плод благолепнейший спасительнаго сеяния Господня явился еси. Мы же Царю веков благодарственно взываем: Аллилуиа.
Икос 2. В подобие, яко Пророк Иоанн крестил Спаса нашего Иисуса, тако и ты, по рождении в Иерусалиме, во Иордане крещаем был еси, и покровительству Крестителя Христова предан был еси. Мы же ти похвальная восписуем: Радуйся, Патриархом Иерусалимским крещенный; радуйся, в честь Крестителя нареченный. Радуйся, защитетелем Православия провозглашенный; радуйся, Богом премнозе освященный. Радуйся, младенцем о пророце Исаии читавый; радуйся, за Христа пострадати возжелавый. Радуйся, во сне себе пилема видивый; радуйся, житие мученика радостне приявый. Радуйся, славу Небесную возлюбивый; радуйся, заповеди Христовы в сердце начертавый. Радуйся, Святителю Антоние Богомудрый, из Святей Руси всему миру возсиявый.
Кондак 3. Сила Вышняго излияся на тя, богоносе отче Антоние, образ кротости, смирения и любве о Господе явился еси. Мы же, Христу Богу нашему, славно воздвигнувшему вселенскаго учителя и Святителя на Руси Святей, со благодарением восклицаем: Аллилуиа.
Икос 3. Разумевше, яко вся благая мира сего суть скоротечни, единому Богу работати возжелел еси. Услышав о велием благочестии старцев Оптинских, пришел к старцу Иосифу. Мы же ти, от юности благий ярем Божий вземшему, взываем: Радуйся, послушником Оптины ставый; радуйся, архиерейство свое предузнавый. Радуйся, родных своих не видевый; радуйся, святое иночество возлюбивый. Радуйся, молитву Иисусову непрестанне читавый; радуйся, себе во всем утеснивый. Радуйся, на просвещение в Киев пришедый; радуйся, магистра богословия получивый. Радуйся, девственнаго жития сладкогласый ублажателю; радуйся, Оптинскаго старчества достойный продолжателю. Радуйся, Святителю Антоние Богомудрый, из Святей Руси всему миру возсиявый.
Кондак 4. Спасти хотяй Русь Святую, Господь попусти брань всемирную и беды велия на народ русский; и яви тя, блаженне Антоние, да вразумившись, огнем очищени, к Богу возвратятся и народом Божиим станут. О сем Божием спасительнем промышлении восклицаем: Аллилуиа.
Икос 4. Сила Вышняго излияся на тя, богомудре Антоние, имея бо любовь к земному отечеству, святым крестом и молитвою Иисусовой, аки щитом оградивыйся, на брань, в защиту удела Божией Матери пошел еси. Мы же, видеша тя в подвизех на поле брани, песнь достохвальную приносим: Радуйся, страдати с народом пошедый; радуйся, мужество велие явивый. Радуйся, Богом невредимо хранимый; радуйся, странам дальним благовестивый. Радуйся, равноапостольной Ниной спасенный; радуйся, иконою ея сретенный. Радуйся, сподвижником Патриарха Тихона ставый; радуйся, тайное служение Церкви возглавивый. Радуйся, светило благочестия; радуйся, Святой Руси защитниче. Радуйся, Святителю Антоние Богомудрый, из Святей Руси всему миру возсиявый.
Кондак 5. Боготечная звезда явился еси, богомудре Антоние, сохраняя от Богоборческой ереси: западники, замаскировани ариане, имя Господа нашего Иисуса Христа уничижавшии и молитву Иисусову отрицавшии; и имяславцы, замаскировани монофизити, зле учившии, яко имя Иисус изначальне и предвечне равно Сыну Божию, и одно имя Иисус превозносившии. Иерарси русския прошение Вселенскому Собору о сем предложиша. Ты же, высшую святость имевый, сей вопрос разреши: имя Иисус ста Божественним со времени тайны воплощения Сына Божия от Духа Свята и Пресвятыя Богородицы и Приснодевы Марии. Тем же и мы, Богомудрыми учении просвещаеми, подателю небеснаго разума Отцу Небесному возносим: Аллилуиа.
Икос 5. Слышаша, преблаженне отче Антоние, величие жития твоего, егда люди словом Божиим вразумлял еси. О сем тебе, истиннаго просвещения и христианскаго благочестия насадителю, взываем: Радуйся, души верных свобождавый; радуйся, разумению православному научавый. Радуйся, душеспасительное наставление преподавый; радуйся, молитву, правую веру и скорбей терпение давый. Радуйся, дары благодатныя стяжавый; радуйся, смиренным священнслужителем ставый. Радуйся, собор от огня сохранивый; радуйся, безбожных кротко вразумивый. Радуйся, о расеянных болезновавый; радуйся, жаждущих правды Христовой насыщавый. Радуйся, Святителю Антоние Богомудрый, из Святей Руси всему миру возсиявый.
Кондак 6. Егда же Русь Державная гневом Божиим в плен предадеся за грехи своя, тогда ты, Антоние Богомудрый, распеншемуся последовал Христу, люди русския спасаяй. Богу, благодатиею Своею укреплявшему тя на подвиги страдальческия, воззовем: Аллилуиа.
Икос 6. Яко пастырь добрый, сохранял люди для Церкви Христовой, не попуская отпасти от веры православныя. Провидя же пролитие крови паствы, тя защищавшей, Духом Святым влекомый, нощию в темницу пошел еси. Мы же тебе, преблаженне Антоние, благодарственно вопием: Радуйся, святоотеческое наследие сохранивый; радуйся, прозорливостью вразумивый. Радуйся, жребий мученичества облобызавый; радуйся, подвигом паству укрепивый. Радуйся, ко Христу призвавый; радуйся, облегчение молитвою подавый. Радуйся, Тихона Галынскаго, за тя душу положити благословивый; радуйся, семью его всегдашне опекавый. Радуйся, волю Божию исполняти научавый; радуйся, светом Христовым просвещавый. Радуйся, Святителю Антоние Богомудрый, из Святей Руси всему миру возсиявый.
Кондак 7. Милостию Божией ведал ты, Антоние, тайну домостроительства Божия, яко чрез страдания временныя, ликование вечное готовится верным. Открыл ты нам и забытый путь опытнаго Богопознания или Тайну спасения всех святых – умное делание. И наставил, яко сие велие делание из деланий — единственный путь спасения, вси иныя пути для нас закрыты. Огнем Божественней любве распаляшеся, многовидныя мучения восприял еси, да не умолкнет на земли славословие разумное: Аллилуиа.
Икос 7. Всемогущий Бог, возводя тя, отче святый Антоние, на высоту духовную, помога ти. В заточение ввергли тя и гладом мучили, но Господом хранимый, подвигом Церковь озарил еси. Тебе же, велие дерзновение ко Господу стяжавшему, вопием: Радуйся, умное делание возлюбивый; радуйся, молитву самодвижную получивый. Радуйся, Христа ради мученичество приявый; радуйся, лето без сна и брашна бывый. Радуйся, яко мучитель покаявшийся тобою прощен был еси; радуйся, яко не покаявшийся львом убиен был еси. Радуйся, с духом мирным на мучения шедый; радуйся, всех бесов заклявый. Радуйся, любовь Божию познавый; радуйся, Богу благодарность имевый. Радуйся, Святителю Антоние Богомудрый, из Святей Руси всему миру возсиявый.
Кондак 8. Кто изочтет скорби твоя, Богомудре. Яко воистину Христа возлюбил, и яко сонаследник Сыну Божию прославися. О сем Царю веков похвалу верно вопием: Аллилуиа.
Икос 8. Весь еси всем воистинну помощник, богоносе Антоние, христиан спасати не престал еси. В местах потаенных службы Божии совершал еси, и за сие в узы Крайнего Севера ввергли тя. Воля же Божия, благая и совершенная, исполнялась еси, в сонм святителей Господь возвести тя благоволи. Мы же вопием тебе сице: Радуйся, знаемых архиереев сретивый; радуйся, сан архиепископа приявый. Радуйся, яко Господь десницу твою сохранил еси; радуйся, яко врачами отравляемый, жив был еси. Радуйся, стужением мраза мучимый; радуйся, мучения соузников приявый. Радуйся, для спасения верных хранимый; радуйся, святыми в терпении хвалимый. Радуйся, страдания твоя ангелы воспеша; радуйся, Бога любити ревностне научаша. Радуйся, Святителю Антоние Богомудрый, из Святей Руси всему миру возсиявый.
Кондак 9. Терпя скорби, богомудре отче Антоние, ярость безбожных мечем мужества посекл еси. Чини Ангельстии удивишася терпению твоему, и восхвалиша Подающаго тебе безмерне благодать Свою: Аллилуиа.
Икос 9. Ветия суемудренныя недоумевают, како подвигами страдальческими за Христа дается мир грядущим по них. Сего ради, со благоговением зовем ти: Радуйся, очима духовныма бесов зревый; радуйся, их за мучителями отгнавый. Радуйся, о вразумлении истязателей моливый; радуйся, страждущих словом Божиим укреплявый. Радуйся, без ропота болевый; радуйся, безропотне нести крест наставлявый. Радуйся, Промысел Божий во всем видити научавый; радуйся, в молитве на воздусе стоявый. Радуйся, пожизненне осужденный; радуйся, Марией Магдалиной освобожденный. Радуйся, Святителю Антоние Богомудрый, из Святей Руси всему миру возсиявый.
Кондак 10. Божий Промысел славу Церкви Русския преумножил, ибо она множеством новомученик превзыде всех древних страдальцев собрание. Ты же, отче наш Антоние, вразуми нас к тленному, земному, не прилеплятися, а паче о благах вечных, небесных, помышляти, вопия Богу: Аллилуиа.
Икос 10. Неисчетным сонмом святых Руси нечестия огнь погасися, и вера правая соблюдеся. Ты же изряден архиерей и благодати Божия велие сокровище явися, лучами высшей святости мир просвещая. Мы же ти с любовию вопием: Радуйся, в гонениех писания Богомудрыя слагавый; радуйся, молитвою любовь Богу свидетельствовати научавый. Радуйся, высшую добродетель имевый; радуйся, сокровеннейшии тайны Божии зревый. Радуйся, о Бозе памятование молитвенное имети наставлявый; радуйся, духом и силою древних отцев возсиявый. Радуйся, молитве Иисусовой – действенней сути покаяния научавый; радуйся, умным деланием душу всесовершенне очистивый. Радуйся, крест умнаго делания Иоанна Кронштадскаго приявый; радуйся, светильниче Христов, всему миру светивый. Радуйся, Святителю Антоние Богомудрый, из Святей Руси всему миру возсиявый.
Кондак 11. Слышаше о тебе, преблаженне Антоние, яко ты еси сосуд Божий избранный, потекоша к тебе людие от всех конец Святой Руси. Ты же во ограду Небесную вселился еси, и молишися там о нас присно, наставляя нас в Троице Единому Богу воспевати: Аллилуиа.
Икос 11. Боготечно шествовал путем внутренним – умным житием, велия чудеса яви тебе Господь: дар прозрения, врачевания, ведение сердец сокровенная, и грядущая, яко настоящая. О сем, Богом избранне отче Антоние, достойно ублажаем тя: Радуйся, болящих благодатное врачевание; радуйся, Божественныя благодати источниче. Радуйся, о мире попечение присноимевый; радуйся, росою благодати Божией орошавый. Радуйся, забытому пути опытнаго Богопознания научавый; радуйся, Тайну спасения всех святых открывый. Радуйся, в Царство Небесное души управлявый; радуйся, сердца ревностию по Бозе возбуждавый. Радуйся, о трех видех добра, приобретающих все прочее добро, написавый; радуйся, о молитве Иисусовой, правой вере и терпении скорбей сказавый. Радуйся, Святителю Антоние Богомудрый, из Святей Руси всему миру возсиявый.
Кондак 12. Воистину своими Богомудрыми писаниями единый путь спасения миру открыл еси, и лучшим наставником умному деланию во всей святоотеческой литературе стал еси, в покой несказанный водворился еси, и со Ангелы ликовствуеши. О сем вопием Богу: Аллилуиа.
Икос 12. Поюще твоя чудеса, восхваляем тя, всехвальне Антоние: в тебе бо Бог в Троице прославляемый дивно прославися. Мы же тебе, славу земную и тленную презревшему, велию Небесную славу приявшему и Христу предстоящему, вопием к тебе таковая: Радуйся, Богомудыми писаниями нас просвещаеши; радуйся, на единый путь спасения наставляеши. Радуйся, Богомудрыми писаньми крест православне начертавый; радуйся, молитву, веру, скорби и прочее добро описавый. Радуйся, в подвизе твоем имя Иисуса Христа прославися; радуйся, весь мир твоим духовным завещанием просветися. Радуйся, книгу «Отец Арсений» написавый; радуйся, новомученикам ея посвятивый. Радуйся, христиан последняго века сего Богомудрый наставниче; радуйся, святителей похвало и Церкви украшение. Радуйся, Святителю Антоние Богомудрый, из Святей Руси всему миру возсиявый.
Кондак 13. О, предивный избранниче Господень Антоние, вселенский учителю и Святителю Церкви Православныя, помози нам к покаянию приити, и заступлением твоим огнь гнева Господня, праведно на ны движимаго, угасити. И да воскреснет Русь Святая, и возсияет из России всему миру Православие твоими Богомудрыми писаниями, поя Троице Всесвятей: Аллилуиа.

Этот кондак читается трижды, затем 1-й икос: Ангельских миров Творец… и 1-й кондак: Человеку Божию…

Молитвы. О, богоизрядный земли Русския страдальче, вселенский учителю и Святителю Антоние Богомудрый. Образом пресветлаго жития своего, егда плачем и стенанием велиим земля наша наполнилась, апостольские слова исполнил еси: ни скорбь, ни теснота, ни гонение, ни глад, ни нагота, ниже беда, ни меч не возмогут разлучити ны от любве Христовы. В Небесныя обители на колеснице страданий взошел еси, идеже молишися о нас присно. Мы же припадаем к тебе, Святителю Божий, и слезно взываем: благодать испроси нам у Отца нашего, Иже на Небесех, да простит нам безумное уклонение наше от правды Божия, и подаст силу на всякий день следовати за Иисусом Христом, и нести крест свой, распиная ум свой на словах молитвы Иисусовой. Охраняй и ныне Отечество наше святое от шатания умов и сердец, и бед великих грядущих последняго века сего, да не погибнет Русь Святая, Богом любимая. Да возсияет миру, погибающему во зле, яко звезда пресветлая из России Православие твоими Богомудрыми писаниями, ибо Богом определено быти России Вторым Израилем, а народу русскому – народом Божиим. Смиренно просим, умоли Судию, да в страшный День Судный сподобит и нас деснаго стояния, идеже Ангельстии силы со всеми святыми ликовствуя, воспевают Богу, Безначальному Отцу, со Единородным Его Сыном, и Всесвятым и Благим и Животворящим Его Духом, ныне и присно, и во веки веков. Аминь.

Житомир 2011 – Азов 2022

Божиею милостию смиренный Антоний, епископ Азовский и Ростовский, Греко-Российская Кафолическая Православная Церковь

19 декабря 2022 года/ 1 января 2023 года
Неделя пред Рождеством Христовым, святых отец. Собор Святителя Антония Богомудрого

АКАФИСТ ВСЕЛЕНСКИМ УЧИТЕЛЯМ И СВЯТИТЕЛЯМ ВАСИЛИЮ ВЕЛИКОМУ, ГРИГОРИЮ БОГОСЛОВУ, ИОАННУ ЗЛАТОУСТОМУ И АНТОНИЮ БОГОМУДРОМУ

Кондак 1.Избраннии светильницы Церкве Христовы, Василие, Григорие, Иоанне и Антоние, ученьми вашими мир просветившии и вся шатания ересей и хульных смущения угасившии; яко ходатаи спасения нашего суще, молитвами вашими сохраните ны от всяких бед и вечных мук, да с радостию благодаряще вопием вам: Радуйтеся, святителие, велицыи и вселенстии учителие.

Икос 1. Ангели земнии и человецы Небеснии, святителие Христовы и отцы треблаженнии, поборницы Живоначальныя Троицы, от Нея светом трисолнечным осияваемии и молящиися непрестанно у Престола Триипостаснаго Божества о душах наших, услышите ны от сердца к вам взывающия: Радуйтеся, имущии дерзновение вопити о нас ко Господу; радуйтеся, велицыи угодницы Святыя Троицы. Радуйтеся, дарованьми единочестнии; радуйтеся, апостолом единонравнии. Радуйтеся, яко вашими ученьми дивно просия благодать Христова; радуйтеся, разум свой в послушание веры пленившии. Радуйтеся, блазии делателие винограда Христова; радуйтеся, от юности Богом благословеннии. Радуйтеся, скорби жития сего добре претерпевшии и данный вам талант приумножившии; радуйтеся, волю Божию сильным мира сего со многим дерзновением благовестившии. Радуйтеся, тьму нечестия отгнавшии; радуйтеся, всю подсолнечную зарями догматов просветившии. Радуйтеся, святителие, велицыи и вселенстии учителие.

Кондак 2. Видя еретичествующих лютая стремления, мечь острейший противу сетей лжеучений и огнь, плевелы суемудрия поядай, святый Василий явися и, яко пастырь изряднейший, обличив лесть идольскую своим богодухновенным вещанием, научи ны почитати Святую Троицу, разделену убо Ипостасьми, соединену же Существом, и вопити Ей: Аллилуиа.

Икос 2. Разум озарен благодатию Христовою имуще, яко апостолом единонравнии, православных догматов учения уяснисте и велицыи светильницы Триипостаснаго Божества явистеся; вашими бо вдохновенными писаньми озаряема, Церковь Христова светло красуется, и верная чада ея в меру возраста исполнения Христова восходят. Темже взирающе на богатство благодати Христовы, вам дарованныя, яко просветители наша восхваляем вы, вопиюще таковая: Радуйтеся, богоноснии небеснии таинницы; радуйтеся, покаяния немолчнии проповедницы. Радуйтеся, сосуди избраннии; радуйтеся, премудрии учителие вселенныя. Радуйтеся, в Божественных учениих Христовых люди наставившии; радуйтеся, в повелениих Господних всегда усердно ходившии. Радуйтеся, многоразличных добродетелей обряды в вашем житии явившии; радуйтеся, столпи непоколебимии, веру Христову Божественными догматы утвердившии. Радуйтеся, словесное стадо Христово мудре упасшии; радуйтеся, Православия изряднейшии богослови.Радуйтеся, светила, вся концы земли просвещающая; радуйтеся, свирель и цевнице сладкозвучная. Радуйтеся, святителие, велицыи и вселенстии учителие.

Кондак 3. Сила молений отчих понуди святаго Григория Понт оставити и в Назианз ко отцу своему, помощи ради ему, преселитися, идеже славу Божию ученьми и делы вещаше и ересь арианскую посрамляше. Темже и нас, великий святителю Григорие, Божественнаго рая нетленныя проходя пажити, поминай у престола Святыя Троицы, да умилением взываем Ей: Аллилуиа.

Икос 3. Имуще в сердцах светоносную благодать Святыя, Единосущныя и Нераздельныя Троицы, богопроповедницы, разделеннии телесы и совокупленнии духом, благочестно яве проповедаша Троицу Едину непременную, Существо же и Божество, и сию проповедь страданьми запечатлеша. Темже и мы, подражающе вере их, вопием таковая: Радуйтеся, сильнии и непреборимии Церкве Христовы споборницы; радуйтеся, истины Христовы усерднии ревнители. Радуйтеся, ко Пресвятей Троице молитвенницы теплии; радуйтеся, Церкве Христовы пастырие добрии. Радуйтеся, Ария низложившии и православныя утвердившии; радуйтеся, Троицу Едину Непременную, Существо и Божество, деяньми и ученьми прославившии. Радуйтеся, Отца, и Сына, и Святаго Духа, Троицы Ипостаси, дивно уяснившии; радуйтеся, Трисиятельнаго ради и Единаго Божества величайшыя скорби и гонения претерпевшии. Радуйтеся, тяготу дневную до скончания своего жития неослабно понесшии; радуйтеся, нощь мрачную злочестивых ересей лучами богомудрых догматов отгнавшии. Радуйтеся, душы верных благодатно напитавшии; радуйтеся, Царствия Вечнаго наследницы быти сподобившиися. Радуйтеся, святителие, велицыи и вселенстии учителие.

Кондак 4. Бурю ярости и гнева воздвигоша, о Златоусте, безумнии людие, клевещуще на тя и изгнати от царствующаго града повелевающе. Ты же, Златослове, на камени веры Христовы непоколебимо пребывая и благодатию Святаго Духа укрепляем, бурю гонений и мучений мужественно претерпел еси и страданьми венец нетленный на Небесех себе уготовал еси, научая всех в терпении нести Крест Христов и взывати Богу: Аллилуиа.

Икос 4. Слышаще богодухновенная словеса ваша, запечатленная многими подвиги и страданьми, жаждущии глаголов Жизни Вечныя издалеча к вам прихождаху, и нетленную пищу от вас приемше и Божественнаго пития почерпше, взываху вам сицевая: Радуйтеся, глубины Слова Божия добре испытавшии; радуйтеся, непрестанным рачением Бога взыскавшии. Радуйтеся, алчущих правды питателие; радуйтеся, нищих духом утешителие. Радуйтеся, облацы источающии росу учений благочестивых и напаяющии вселенную; радуйтеся, приснотекущия реки духовныя, напаяющия верных чад Церкве Христовы. Радуйтеся, Божественных Таин хранителие и словесныя трубы Божия; радуйтеся, правыя веры и благочестия христианского насадителие. Радуйтеся, чудесы многими верныя озаряющии; радуйтеся, реки врачеваний нам проливающии. Радуйтеся, усердно притекающия к вам от искушении и напастей молитвами вашими охраняющии; радуйтеся, всего рода христианскаго похвало. Радуйтеся, святителие, велицыи и вселенстии учителие.

Кондак 5. Боготечную звезду Христос миру показа тя, великий во иерарсех Антоние; стяжав бо ведение Божественных Таин и озарение свыше от Престола благодати Божия, умы и сердца верных богодухновенными словесы дивно просветил еси, любовию же к Богу одушевляем, гонения и страдания за Христа добре претерпел еси и сего ради сподобился еси на Небесех молитвеннаго дерзновения у Престола Царя Славы, образ быв верным словом, житием, духом, любовию, верою и чистотою, да вси со умилением вопиют Пресвятей Троице: Аллилуиа.

Икос 5. Видяще вас, святителие Христовы, Небесным ликостоянием присно спребывающия и Престолу Божию всегда предстоящия, со умилением воспеваем возвеличившую вас Живоначальную Троицу, Юже словом и житием вашим прославили есте, вам же, молитвенником изряднейшим, от любве сердечныя вопием: Радуйтеся, Горним Ликом совокупленнии и Святых Ангел сожителие; радуйтеся, Престолу Царя Славы предстоящии присно со всеми избранными. Радуйтеся, Славою Небесною украшеннии; радуйтеся, плоть и мир возненавидевшии. Радуйтеся, вся сокровища мира и житейския сласти Христа ради во уметы вменившии; радуйтеся, на светозарную добродетелей колесницу возшедшии и Небеснаго Царствия достигшии. Радуйтеся, и нам, грешным, образ добродетелей словом и житием явившии; радуйтеся, многими скорбьми вшедшии в радость Господа своего. Радуйтеся, теплии о нас пред Богом ходатаи; радуйтеся, православнаго богословия светила изряднейшая. Радуйтеся, веры христианския похвало; радуйтеся, святителей славо и Церкве украшение. Радуйтеся, святителие, велицыи и вселенстии учителие.

Кондак 6. Проповедуя истину боговещанными вашими глаголы, сокрушили есте, богослови Василие и Григорие, еллинская суемудрия и ересей соблазны, вселенней же всей немолчно проповедали есте в Троице славимаго Бога Единосущнаго, Отца и Сына и Духа Святаго, научая всех вопити Ему: Аллилуиа.

Икос 6. Возсиясте светом добродетельнаго жития и православныя веры исповеданием во всю вселенную и всем языком свет истиннаго богопознания уяснисте, якоже быти вам пастырем и учителем всея Церкве Христовы. Темже и по смерти не престайте призирати на ны, тепле вам молящияся и взывающия: Радуйтеся, светила великая, путеводящая нас ко спасению; радуйтеся, просветителие седящих во тьме неведения. Радуйтеся, недомысленныя Тайны Триипостаснаго Божества нам уясняющии; радуйтеся, струями мудрых учений паству свою напаяющии. Радуйтеся, пастырие изряднейшии, житие свое всякими добродетельми благоукрасившии; радуйтеся, стадо свое от волков хищных соблюдшии. Радуйтеся, светильницы трисолнечнаго света, умы и сердца верных дивно озаряющии; радуйтеся, образи целомудрия, ревновати о стяжании сея добродетели нас научающии. Радуйтеся, церковная кормила, путь православнаго боговедения ясно показующая; радуйтеся, дванадесяти апостолом единонравнии. Радуйтеся, Ангельских Ликов сожителие; радуйтеся, купно со всеми святыми непрестанно молящиися о нас. Радуйтеся, святителие, велицыи и вселенстии учителие.

Кондак 7. Хотя змий лукавый искусити тя, якоже Иова многострадальнаго, воздвиже бурю злобы нечестивых, изгнавших тя в заточение. Обаче благодатию Христовою укрепляем, всякая злострадания и болезни добре претерпел еси, отче Иоанне Златоусте, и блаженныя кончины сподобился еси. Ныне же пребывая в невечернем дни Царствия Христова, не престай молитися за ны у Престола Триипостаснаго Бога, да со умилением вопием: Аллилуиа.

Икос 7. Новии светильницы светозарнии и Церкве непоколебимии столпы явистеся, святителие велицыи: святостию бо жития вашего, еще во плоти суще на земли, бесте яко безплотни. Сего ради Церковь Христова, присно прославляющи вас, благодарственная пения восписует светодавцу Христу Богу, Егоже благодатию укрепляеми, велия болезни претерпесте и труды понесосте во благовестии Христове. Темже прославляюще Христа, непрестанно благодеющаго Церкви Своей Святей, восхваляем и вас, яко верных слуг Христовых и строителей Таин Божиих, вопиюще сицевая: Радуйтеся, вернии Троицы поборницы; радуйтеся, Православия непобедимии исповедницы. Радуйтеся, иерархов священноначальницы; радуйтеся, лучами богословия вашего ересей неистовство разрушившии. Радуйтеся, пресветлии благочестия образи; радуйтеся, верныя в боговедении утвердившии. Радуйтеся, слова Божия богодухновеннии изъяснителие; радуйтеся, Владыки Христа раби блазии и вернии. Радуйтеся, кротость Моисееву и ревность Илиину в подвизех своих воплотившии; радуйтеся, терпением скорбей и гонений древнему Иову подражавшии. Радуйтеся, Иосифа целомудрием и чистотою украшении; радуйтеся, Петрово исповедание и Иоанново богословие показавшии. Радуйтеся, святителие, велицыи и вселенстии учителие.

Кондак 8. Странное чудо благодати дарованныя тебе, святителю Василие, уведе на себе Ефрем Сирианин, егда восхотевшу ему видети тя, отче, послал еси архидиакона своего привести его к тебе, и молитвою твоею Ефрем уразуме язык еллинский и чудеси дивяся, прослави Бога, поя Ему: Аллилуиа.

Икос 8. Всю веру во Святую Троицу непорочну сохранисте и многи ко Христу приведосте, святителие Христовы, подвигом добрым подвизавшеся. Сего ради, взирающе на дивный подвиг ваш и на чистое житие ваше, со умилением вопием вам таковая: Радуйтеся, Православия одеждою свыше истканною Церковь украсившии; радуйтеся, еретическая суесловия ясно обличившии. Радуйтеся, писаньми и словесы вашими духовное сокровище Церкви Христове собравшии; радуйтеся, мудрость Божию возлюбившии и вся красная мира Христа ради отвергшии. Радуйтеся, сокровищ Небесных паче всего взыскавшии; радуйтеся, Пастыреначальника Христа, яко служителие вернии, живоносным стопам последовавшии. Радуйтеся, высокий образ добродетелей в житии вашем явившии; радуйтеся, душевныя страсти, вкупе же и телесныя, духовным мечем посекшии. Радуйтеся, Живоначальней Троице в жертву живу, святу и благоугодну себе самих принесшии; радуйтеся, грешников предстателие. Радуйтеся, нищих заступницы; радуйтеся, пастырей учителие и образи. Радуйтеся, святителие, велицыи и вселенстии учителие.

Кондак 9. Всею душею твоею возлюбив Бога, отче Григорие, боговидную чистоту и целомудрие паче всех благ избрал еси и богослов великий и таинник явился еси. Ныне предстоя Престолу Святыя Троицы, испроси мирови мир, и спасение всем нам, восхваляющим тя и поющым Богу: Аллилуиа.

Икос 9. Витийством богодухновенным вселенских святителей еретичестии соблазны престаша, православная же вера паче и паче превозможе. Сего ради от усердия нашего со умилением и любовию взываем к ним таковая: Радуйтеся, любовию Православия все житие ваше озарившии; радуйтеся, Единаго Бога в трех лицах чествовати научившии. Радуйтеся, Ариево злочестие и хуления иных еретиков низложившии; радуйтеся, лжеучителей пребеззаконная уста светлостию словес ваших заградившии. Радуйтеся, небесныя трубы, проповедавшыя мирови Христово Евангелие; радуйтеся, во иерарсех светила великая. Радуйтеся, учителие кротости, воздержания, вкупе же и покаяния; радуйтеся, монашествующих добрии учителие и наставницы. Радуйтеся, Церкве ограждение и Православия поборницы; радуйтеся, в труды апостолов вшедшии и глас добраго исповедания пожавшии. Радуйтеся, за веру и подвиги венцы нетленныя от Пастыреначальника Христа приемшии; радуйтеся, великия труды и подвиги во благоустроении Церкве Христовы подъемшии. Радуйтеся, святителие, велицыи и вселенстии учителие.

Кондак 10. Спаса Христа умоляти не престай о чтущих память твою, всехвальне Иоанне Златоусте: тебе бо дадеся благодать молитися за ны. Темже и мы, яко ко благоуханнаго мира сосуду, точащему исцеления всем с верою притекающим, со умилением и любовию припадающе, вопием прославльшему тя Богу: Аллилуиа.

Икос 10. Стена есте необоримая празднующим святую память вашу и всем притекающим к молитвенному покрову вашему, непостыдная надежда и крепкое заступление. Темже и нам, святии святителие, со умилением припадающим к вам, испросите у Престола Святыя Троицы милость и благодать во благовременную помощь, да с радостию и благодарением взываем вам: Радуйтеся, милость и утешение всем верным являющии; радуйтеся, кающияся грешники от сетей диавола избавляющии. Радуйтеся, благодатных даров усерднии раздаятелие; радуйтеся, всех человек предстательство и покрове. Радуйтеся, сирых отцев и вдов заступницы; радуйтеся, убогих богатство и болящих исцеление. Радуйтеся, милосердия ко страждущим немолчнии проповедницы и юных наставницы; радуйтеся, старец питателие. Радуйтеся, сущих в скорбех утешителие; радуйтеся, странных сопутницы. Радуйтеся, изнемогающим поможение; радуйтеся, чтущим память вашу радость и спасение низпосылающии. Радуйтеся, святителие, велицыи и вселенстии учителие.

Кондак 11. Пение Пресвятей Троице паче иных принесл еси, святителе Божий Антоние, умом, словом, делом и богословным витийством твоим сплетения риторская разрушил еси, наставляюще ны почитати Троицу во Единице и воспевати Ей: Аллилуиа.

Икос 11. Светозарный собор святых иерархов, Василиа царствия тезоименитаго, Григориа Богослова наименованнаго, Иоанна Златоустаго учителя вселенныя, Антония Богомудраго наставника спасения, глубины Божия испытавших, восхваляюще и светлую память их благоговейно торжествующе, похвальная пения приносим таковая: Радуйтеся, благознаменитыя трубы Божественных глаголов; радуйтеся, цевницы богодухновенныя. Радуйтеся, апостольских писаний богодухновеннии изъяснителие; радуйтеся, апостольских преданий ревнителие. Радуйтеся, дивная величия Божия всем земнородным поведающии; радуйтеся, Славу Божию вашим житием и словом проповедавшии всей вселенней. Радуйтеся, ко спасению добрии путеводителие и наставницы; радуйтеся, растленных обычаев искоренителие, благих же нравов насадителие. Радуйтеся, отрицатися плотских похотей и страстей научающии; радуйтеся, врачеве премудрии недугов душевных и телесных. Радуйтеся, церковная светила, от Трисолнечнаго Света возжженная; радуйтеся, цветы благовоннии райскаго прозябения. Радуйтеся, святителие, велицыи и вселенстии учителие.

Кондак 12. Благодать Божия обильно излияся во устах ваших, треблаженнии: вера православная вами укрепися, и мгла еретических шатаний и лжеучений светом богодухновенных писаний отгнася. Темже, святителие, молитеся ко Христу Богу, да дух ревности вашея о вере и благочестии почиет и на нас, да сподобимся купно с вами пети Святей Троице: Аллилуиа.

Икос 12. Поюще и светло празднующе священную память вашу, треблаженнии Василие Великий, Богослове Григорие, Златоустый Иоанне и Антоние Богомудрый, смиренно молим вас, не престайте молитися Христу о всех, верою призывающих вас и с любовию вопиющих таковая: Радуйтеся, православных догматов хранителие; радуйтеся, богословия живоноснии источницы. Радуйтеся, верных сердца Божественне веселящии; радуйтеся, яко неослабными подвиги вашими Арий низложися. Радуйтеся, яко огнем богодухновенных вещаний ваших Евномиева ересь попалися; радуйтеся, яко вашими богодухновенными глаголы Савеллиа ересь отгнася. Радуйтеся, яко мудрование Нестора вами упразднися; радуйтеся, о мире молитвенницы изряднейшии. Радуйтеся, к Царствию Небесному верныя возводящии; радуйтеся, Божии гласи, пречудно нам возгремевшии. Радуйтеся, пастырей Церкве достоподражательнии образи; радуйтеся, по апостолу всем вся бывшии. Радуйтеся, святителие, велицыи и вселенстии учителие.

Кондак 13. О святителие Христовы и отцы треблаженнии, Василие Великий, церковное светило и столпе непоколебимый, Богослове Григорие, уме богопросвещенный, архиерею превеликий, Златоусте Иоанне, покаяния твердый проповедниче, вкупе же и Богомудрый Антоние, наставниче непрестанной молитвы Иисусовой, небесным спребывающе ликом и Ангельским совокупльшеся Силам, нынешнее приемше малое моление наше, испросите нам у Всещедраго Бога вышняя мыслити и деяти, да вечныя муки избегше, небесную жизнь наследим с вами, вопиюще Богу: Аллилуиа.

Этот кондак читается трижды, затем 1-й икос и 1-й кондак.

Молитва. О пресветлии светильницы Церкве Христовы, Василие, Григорие, Иоанне и Антоние, светом православных догматов вся концы земли озарившии и мечем слова Божия хульных смущения и шатания ересей угасившии; припадающе к вашему милосердию, с верою и любовию из глубины души вопием: предстояще Престолу Пресвятыя, Единосущныя, Животворящия и Нераздельныя Троицы, за Нюже словом, писанием и житием добре подвизастеся и душы своя полагасте, всегда молитеся Ей, да укрепит и ны в Православии и единомыслии, и непоколебимем даже до смерти исповедании веры Христовы, и во вседушевнем послушании Его Церкви Святей: да препояшет ны с высоты силою на вся невидимыя и видимыя враги наша: да соблюдет Церковь Свою незыблему от неверия, суеверия, ересей и раскола; да дарует архипастырем нашим здравие, долгоденствие и во всем благое поспешение: пастырем нашим да подаст духовное трезвение и ревность о спасении пасомых, правителем суд и правду, воином терпение, мужество и одоление на враги, сирым и вдовицам заступление, болящим исцеление, юным благое в вере возрастание, старцам утешение, обидимым заступление, и всем вся ко временней и вечней жизни потребная, яко да в мире и покаянии, желанием спасения горяще, Господеви работающе, добрым подвигом подвизающеся, течение наше скончаем и сподобимся в Небеснем Царствии купно с вами всегда пети и славити Пресвятое и Великолепое Имя Отца, и Сына, и Святаго Духа во веки веков. Аминь.

Тропарь, глас 4-й. Яко апостолов единонравнии и вселенныя учителие, Владыку всех молите мир вселенней даровати и душам нашим велию милость.

Кондак, глас 2-й. Священныя и Боговещанныя проповедники, верх учителей, Господи, приял еси в наслаждение благих Твоих и упокоение: труды бо онех и смерть приял еси паче всякаго всеплодия, Едине, прославляяй святыя Твоя.

Величание. Величаем вас, святителие Василие, Григорие, Иоанне и Антоние, и чтим святую память вашу; вы бо молите за нас Христа Бога нашего.

Празднование вселенским учителям и святителям Василию Великому, Григорию Богослову, Иоанну Златоустому и Антонию Богомудрому совершается 30 января/12 февраля